Bul týraly Sanıtarlyq-epıdemıologııalyq baqylaý departamenti basshysynyń orynbasary Arman Kýshbasov brıfıngte aıtty. Ol qazan aıynda karantındi buzǵany úshin 108 adamǵa jalpy somasy 4,4 mıllıon teńge aıyppul salynǵanyn jetkizdi.
«Olardyń statýsy «qyzyl» jáne «sary» ekeni «Ashyq» qosymshasymen anyqtalǵan. Turǵyndar oqshaýlanýdyń ornyna qoǵamdyq oryndarǵa erkin kirýge umtylǵan.
Júrgizilgen reıdter qorytyndysy boıynsha jalpy somasy 1,1 mıllıon teńgeden asatyn aıyppulmen 20 tulǵa jaýapkershilikke tartyldy. Buqaralyq aqparat quraldarynda 95 shekteý is-sharalaryn buzyp, ákimshilik aıyppuldardy tólegenderdiń tizimi jarııalandy», dedi Arman Kýshbasov.
