Atalǵan ózgerister «Sıfrlandyrý, ǵylym jáne ınnovasııalar esebinen tehnologııalyq serpilis» ulttyq jobasy aıasynda júzege asady.
«Qazirgi ýaqytta aýyl turǵyndary úshin medısına men jalpy bilim berý júıeleriniń sapasy tómendeý bolyp otyr. Iаǵnı ol sapany kóterý úshin sapaly muǵalimder men bilikti dárigerler qajet. Sondyqtan, medısınalyq máselelerdi sheshý úshin dıagnostıkany sıfrlyq formatta júrgizýimiz kerek. Mysaly birneshe óńirde pılottyq jobalardy júzege asyrdyq. Jasandy ıntellekt arqyly ókpe aýrýlaryn nemese áıelderdiń aýrýlaryn anyqtaý úshin meıirbıke naýqasty rentgen apparatyna alyp kelse bolǵany. Sol apparat sýreti bazaǵa júktelip, Nur-Sultannan, Almatydan nemese basqa qaladan bilikti mamandar qarap, dıagnoz qoıa alady. Ekinshiden jasandy ıntellektiń ózi de sol sýretke taldaý jasap, óz usynymdaryn bere alady. Aldaǵy bes jylda osy tehnologııalardy engizýdi josparlap otyrmyz», dedi mınıstr Ortalyq kommýnıkasııalar qyzmetinde ótken baspasóz máslıhatynda.
Mınıstrdiń aıtýynsha, mektepterde balalar kitaptardy ózimen tasyp júrmeýi úshin sıfrlyq tehnologııalar kóbirek engizilip, kerekti materıaldar sıfrlyq formatqa kóshirilip jatyr.
