Mınıstr zııaly qaýym ókilderimen kezdesýde 20-dan asa kórsetkish pen 60-tan astam iri is-sharany qamtıtyn «Ulttyq rýhanı jańǵyrý» jobasyn tanystyryp, onyń negizgi úsh baǵyty boıynsha josparlanǵan is-sharalar týraly baıandady. Bul – eldiń zııatkerlik áleýeti men memlekettik tildiń mártebesin arttyrý, «El rýhy» atty mádenıet salasyndaǵy qyzmetterdiń qoljetimdiligin arttyrýǵa baılanysty sharalar keshenin iske asyrý, sondaı-aq «Táýelsizdik urpaqtary» atalatyn jastar úshin jańa múmkindikter jasaý baǵyty.
– Atyraý óńiri – qaı kezde de qazaqylyǵyn joǵaltpaǵan, ulttyq salt-dástúrge berik, rýhanııaty joǵary meken. Biz qazir «Rýhanı jańǵyrý» baǵdarlamasy aıasynda ótken tarıhymyzdy túgendep, kóptegen oqıǵaǵa jańasha baǵa berip jatyrmyz. Osy oraıda el tarıhyn túgendep, rýhanııatyn kóteretin, óskeleń urpaqqa ulttyq tárbıe berip, durys jol kórsetetin el zııalylarynyń qoldaýy qajet. О́ıtkeni Memleket basshysy ulttyq ıntellıgensııanyń róline erekshe kóńil bólip otyr. Sol sebepten Ulttyq jobany óńirlerde de júzege asyrýǵa belsendi atsalysýǵa shaqyramyn, – dedi mınıstr.
Mınıstrdiń aıtýynsha, ulttyq ıntellıgensııa elimizdiń damýyna aıryqsha úles qosyp keledi. Olar buǵan deıin aǵartýshylyq qyzmet arqyly jastarymyzdy, tutas halqymyzdy alǵa jeteledi. Qazirgideı aqparattyq tasqyn dáýirinde bala sanasyna mýltfılmderdiń áseri joǵary bolyp otyr. Sol sebepten urpaq tárbıesine qatysty mańyzdy salanyń biri – tanymal balalar arnalaryn qazaqsha sóıletý. Máselen, aýqymdy jobalar aıasynda TiJi, Disney arnalarynyń mýltfılmderi qazaq tiline aýdarylady. Mundaı jobalar balalar kontenti alańynyń memlekettik tildegi sapaly materıaldarmen tolyǵýyna yqpal etedi.
– Bıylǵy 1 qazannan Túrkistan oblysynyń shekaralyq aımaǵynda ornalasqan 30 eldi mekenge «Shalqar» radıosy, Shyǵys Qazaqstan oblysyndaǵy eki shekaralyq aýylǵa «Qazaq radıosy» tarala bastady. Endi 2025 jylǵa deıingi bekitilgen ulttyq josparǵa sáıkes, elimizde 300 eldi mekenge radıo jelisi jetedi. Jeltoqsannyń sońynda jáne aldaǵy qańtar aıynyń basynda Jáńgir han, Qanysh Sátpaev, Roza Baǵlanova syndy tarıhı tulǵalar jaıly 6-7 fılm shyǵarylady. Sondaı-aq Dına Nurpeıisova, Ermek Serkebaev týraly fılmder túsiriledi, – dedi mınıstr A.Balaeva.
Mınıstr Jylyoı aýdanynyń turǵyndarymen kezdesip, osyndaǵy Aqmeshit qorymyna bardy.
Atyraý oblysy
