Búginge deıin kásibı sharshy alańda úsh kezdesý ótkizip, onyń barlyǵynda nokaýtpen jeńiske jetken jerlesimiz eń keıingi aıqasynda WBC International belbeýin ıelengen bolatyn. Osyndaı aıshyqty jeńisiniń arqasynda barsha jankúıer jurtqa chempıondyq úmitti syılaǵan Tursynbaı kásipqoı bokstaǵy nebári tórtinshi kezdesýinde jeńilip qaldy.
Ulybrıtanııa astanasy – Londondaǵy York Hall arenasynda ótken boks keshinde otandasymyz domınıkandyq Hýan Karlos Abreýmen (24-6-1, 22 KO) qolǵap túıistirdi. Kezdesý on raýndqa josparlanǵanymen, jekpe-jek 7-ranýdta óz máresine jetti. Kezdesý bel ortasynan aýǵan shaqta domınıkandyq boksshy áýeli Qulahmetti nokdaýnǵa túsirip, ile-shala aýyr soqqysymen sulatyp saldy. Sóıtip Tursynbaı Qulahmet kásipqoı karerasyndaǵy alǵashqy jeńilisine ushyrap, ózine tıesili WBC International tıtýlynan da aıyrylyp qaldy.
