«О́mirge qushtar Denıs sheber mánerlep syrǵanaýshy ǵana emes, segiz qyrly, bir syrly azamat bolatyn. Bala kezden tynbaı jattyǵyp, daıyndalýdyń arqasynda ǵalamat jetistikterge jetti. Halyqaralyq iri básekelerde júlde alǵan tuńǵysh qazaqstandyq atandy. Osylaısha, kúlli eldiń maqtanyshyna aınaldy. Álem jankúıerleriniń ystyq yqylasyna bólendi», dedi ol.
Osydan keıin Aqtoty Raıymqulova Denıs Tendi eske alýǵa arnalǵan bul týrnırdiń bárimiz úshin orny bólek ekenin, jarys bıyl Halyqaralyq konkıshiler odaǵynyń «Chellendjer» sanatyna qosylǵanyn jetkizdi.
«Denıs Tenmen birge aralas-quralas bolǵan mánerlep syrǵanaýshylar, izin basyp kele jatqan jas sportshylar muz aıdynda bas qosyp otyr. Bıyl ekinshi ret ótip jatqan básekege qatysýshylardyń geografııasy keńeıip kele jatqany qýantady. Osy oraıda ómirge qushtar azamattyń esimin jańǵyrtýǵa týrnırdi «Chellendjer» sanatyndaǵy básekeler qataryna qosyp, aýqymyn keńeıtip jatqany úshin Halyqaralyq konkıshiler odaǵyna alǵys aıtamyn», deı kele týrnır jeńimpazdary men júldegerlerine sáttilik tiledi.
Ekinshi Denis Ten Memorial Challenge halyqaralyq týrnıriniń jeńimpazdary men júldegerleri:
Erler:
1. Petr Gýmennık (Reseı);
2. Marka Kondratıýk (Reseı);
3. Andreı Mozalev (Reseı);
9. Mıhaıl Shaıdorov (Qazaqstan);
10. Dıas Jırenbaev (Qazaqstan);
12. Rahat Bralın (Qazaqstan);
Áıelder:
1. Vıktorııa Safonova (Belarýs);
2. Ekaterına Rıabova (Ázirbaıjan);
3. Anastasııa Shabotova (Ýkraına);
8. Iаsmın Tekık (Qazaqstan);
10. Anastasııa Lobanova (Qazaqstan);
11. Bagdana Rahıshova (Qazaqstan);
Juptyq syn:
1. Anastasııa Skopsova / Kırıll Aleshın (Reseı);
2. Aleksandra Nazarova / Maksım Nıkıtın (Ýkraına);
3. Elızaveta Hýdaıberdıeva / Egor Bazın (Reseı);
7. Gaýhar Naýryzova / Boıansangýr Datıev (Qazaqstan).
Aıta keteıik, Mádenıet jáne sport mınıstrligi, Ulttyq Olımpıada komıteti men Nur-Sultan qalasynyń ákimdiginiń qoldaýymen «Denıs Ten qory» qoǵamdyq qory uıymdastyrǵan týrnır 28-31 qazan aralyǵynda ótti. Bıyl mánerlep syrǵanaýdan «Chellendjer» (ISU Challenger Series) sanatynda 7-shi jarys sanalatyn Denis Ten Memorial Challenge týrnırinde 18 elden kelgen 100-den astam sportshy baq synady. Onyń ishinde bıylǵy álem chempıonatynyń júldegerleri, Beıjińde ótetin Olımpıadaǵa baratyn mánerlep syrǵanaýshylar bar.
Týrnırde erler arasyndaǵy jekeleı synda – Rahat Bralın, Mıhaıl Shaıdorov, Dıas Jırenbaev, áıelder arasynda – Anastasııa Lobanova, Bogdana Rakıshev men Iаsmına Tekık, al juptyq synda Gaýhar Naýryzova/Boıansangýr Datıev jáne Maksın Ýezerbı/Temirlan Erjanov juby el namysyn qorǵady.
Týrnırde Halyqaralyq konkıshiler odaǵynyń (ISU) joǵary sanatty 36 tóreshisi qyzmet etti.
