«Qazirgi ýaqytta mınıstrlik mártebesi rettelmegen jáne jeke basyn kýálandyratyn qujattary joq, azamattyǵy joq 6 myńnan astam adamǵa kómek kórsetti. Jeke kýálikpen 5 myńǵa jýyq (4 969) adam qujattaldy. Onyń ishinde 3357 adam QR azamaty, 1612 esh azamattyǵy joq adamǵa QR azamattyǵy berildi», dedi Nurdildá Oraz Ishki ister mınıstrligi uıymdastyratyn aptalyq brıfıngide.
Resmı ókildiń aıtýynsha, taǵy 1357 adamǵa qatysty azamattyqty rastaý rásimi aıatalýǵa jaqyn.
«Ishki ister mınıstrligi elimizdegi azamattyǵy joq adamdardyń máselesin túpkilikti sheshýge umtylysty eskerip, mártebesi rettelmegen jáne jeke basyn kýálandyratyn qujaty joq adamdardy anyqtaý aksııasyn 2022 jyldyń mamyryna deıin uzartý týraly sheshim qabyldady», dedi Nurdildá Oraz.
