«2-3 qarashada atmosferalyq fronttardyń ótýimen, Qazaqstannyń basym bóliginde qubylmaly aýa raıy kútiledi — jaýyn-shashyn, ekpindi jel, tuman, kóktaıǵaq, jaıaý burqasyn. 3-4 qarashada ońtústik, ońtústik-shyǵys aımaqtarda qatty jaýyn-shashyn boljanady. Kezeńniń sońynda, sýyq soltústik-batys antısıklonnyń enýimen jaýyn-shashynnyń birtindep toqtaýy jáne aýa temperatýrasynyń edáýir tómendeýi kútiledi. Soltústik-batysta túngi temperatýra -5...-15 gradýs aıazǵa deıin, soltústikte, ortalyqta, shyǵysta -10...-20 gradýsqa deıin, ońtústikte -3...-13 gradýs aıazǵa deıin, ońtústik-shyǵysta 7-16 gradýs aıazǵa deıin tómendeıdi. Tek Qazaqstannyń batysynda ǵana jaýyn-shashynsyz aýa raıy boljanady», delingen «Qazgıdromet» RMK taratqan habarlamada.
