«Aqyly avtomobıl joldary: Nur-Sultan – Pavlodar, Shymkent – О́zbekstan shekarasy (Tashkentke), Shýchınsk-Kókshetaý, Qapshaǵaı – Taldyqorǵan, Shymkent – Taraz, Taraz – Qaınar, Shymkent – Qyzylorda. Atalǵan ýchaskeler aqy alý júıesiniń barlyq qajetti jabdyqtarymen jabdyqtalǵan.
7 jańa aqyly ýchaskeni paıdalanýǵa engizý týraly buıryq jobalaryna qol qoıyldy jáne Ádilet mınıstrliginde tirkelýde. Birinshi tehnıkalyq sanattaǵy ýchaskelerdegi aqyly júıeni 2021 jylǵy 15 qarashadan bastap engizý josparlanyp otyr. Bul rette atalmysh ýchaskeler osy jyldyń 1 qazanynan bastap testilik paıdalanýǵa berilgen bolatyn», delingen «QazAvtoJol» habarlamasynda.
Indýstrııa jáne ınfraqurylymdyq damý mınıstrligi aqy alýdyń «ashyq» júıesin engizý týraly sheshim qabyldady. Osyndaı joldarmen júrýge aqy tóleý úshin avtokóliktiń memlekettik nómirine shotty toltyrýdyń 20-dan astam nusqasy qarastyrylǵan: QAJ mobile (mobıldi qosymsha), Kaspi.kz, Kiwi-ámııan, Forte Bank jáne t.b.
Aıta keteıik, 2013 jyldan bastap I sanattaǵy aqyly ýchaskeler boıynsha jol júrý aqysy ózgergen joq (Nur-Sultan – Shýchınsk birinshi aqyly ýchaskesi engizilgen sátten bastap) jáne ol ózgerissiz sol kúıinde qalady.
