«Sybaılas jemqorlyqqa qarsy is-qımyl agenttiginiń arnaıy aýqymdy operasııasy nátıjesinde QR Aýyl sharýashylyǵy mınıstrligine baǵynysty bólimsheler men uıymdardyń jáne Nur-Sultan, Shymkent qalalarynyń jáne Aqmola, Túrkistan, Jambyl oblystary, ShQO, BQO, Atyraý, Aqtóbe oblystarynyń ákimdikteriniń laýazymdy tulǵalarynan turatyn qylmystyq toptar áshkerelendi. Olar sýbsıdııalaýǵa bólingen qarajatty jymqyrýmen aınalysqan, kásipkerlerden júıeli túrde para men zańsyz syıaqy alýdyń jemqorlyq shemasyn uıymdastyrǵan. Qazirgi ýaqytta tergeý amaldary júrgizilip jatyr. Zattaı dálelder alyndy. Qylmysqa qatysy bar 30-dan astam adam anyqtaldy, olardyń kópshiligi qazir kinásin tolyq moıyndap, tergeý tobymen yntymaqtastyq ornatýda. О́zge aqparat tergeý múddesine baılanysty jarııa etilmeıdi», dedi QR Sybaılas jemqorlyqqa qarsy is-qımyl agenttigi tóraǵasynyń kómekshisi Shyńǵys Álekeshev.
Buǵan deıin habarlanǵandaı, Sybaılas jemqorlyqqa qarsy is-qımyl agenttigi sýbsıdııalaý salasynda keshendi taldaý jumystaryn bastady. Atalǵan quqyqbuzýshylyq ta sol amaldar aıasynda anyqtalyp otyr.
