QR Aqparat jáne qoǵamdyq damý mınıstrliginiń qoldaýymen Qazaqstan Táýelsizdiginiń 30 jyldyǵyn merekeleý jónindegi jobalyq keńse «Táýelsizdik kúndeligi» jobasy iske qosyldy.
Bul QR Táýelsizdiginiń mereıtoıyn merekeleý qurmetine ótkiziletin negizgi issharalardyń apta saıynǵy beınealmanahtary.
Bul joba aǵymdaǵy jyldyń mamyr aıynda iske qosyldy. Qazirgi ýaqytta kezekti 26-shy shyǵarylym shyqty.
Qazaqstan turǵyndary vıdeodaıdjestten Qazaqstan Táýelsizdiginiń 30 jyldyǵyn merekeleý aıasynda el óńirlerinde ótken eń basty is-sharalar, sondaı-aq Qaıyrymdy ister marafonynyń iske asyrylýy týraly bile alady.
«Osy beınejoba arqyly qazaqstandyqtar Táýelsizdiktiń 30 jyldyǵy elimizde qalaı atap ótilip jatqanyn bile alady. Jobalyq keńse osy merekelik sharalardy úılestiredi. Jalpy, aptasyna ártúrli formattaǵy 150-den 250-ge deıin túrli ıventter ótkiziledi, kóp jaǵdaıda bul tanymdyq issharalar. Beıne kúndelik Táýelsizdik mereıtoıyn merekeleýdiń jalpy kórinisin qaraýǵa múmkindik beredi», dep atap ótti QR Táýelsizdiginiń 30 jyldyǵyn merekeleý jónindegi jobalyq keńseniń basshysy Baǵlan Aıdashov.
«Táýelsizdik kúndeligi» - «Habar», «Qazaqstan», «AstanaTV», «Almaty» telearnalarynda, kabeldik operatorlardyń baǵdarlamaaralyq beınematerıaldar retinde kórsetiledi, sondaı-aq áleýmettik jelilerde keńinen taratylady.
Apta saıyn vıdeodaıdjest 30jyl.kz – QR Táýelsizdiginiń 30 jyldyǵy aıasynda ótkiziletin barlyq issharalar týraly anonstar men jańalyqtar jarııalanatyn arnaıy saıtta ornalastyrylady.
«Táýelsizdik kúndelikterimen» tómendegi silteme boıynsha tanysýǵa bolady: https://30jyl.kz/ru/kundelik/
