«Malshylardyń marshalyna» qurmet

Eńbek Eriniń qurmetine ashylǵan skver «Tarazǵa tartý» jobasy aıasynda ob­­lys­taǵy aýyl sharýa­shylyǵy jáne veterı­­narııa salasy ókil­­deri­niń qoldaýymen abat­tan­dyrylǵan. Sonymen qatar oblys ákiminiń bastamasymen Jazylbek Qýanyshbaev atyna kóshe berilip otyr. Jıynda sóz alǵan Jambyl oblysynyń ákimi Berdibek Sa­parbaev jańadan ashyl­ǵan skverdiń qala turǵyn­dary­nyń súıikti demalys oryn­darynyń biri bolatynyna senetinin jetkizdi. «Eki márte Sosıalıstik Eńbek Eri joǵary ataǵyna ıe bolǵan Ybyraı Jaqaev, Nurmolda Aldabergenov, Jazylbek Qýanyshbaev esimderi – jas urpaq úshin aıanbaı eńbek etýdiń, eńbeksúıgishtik pen shynaıy patrıotızmniń jar­qyn úlgisi. Olardyń esimderi tek Qazaq­standa ǵana emes, búkil post­keńestik keńistikte bel­gili. KSRO-nyń eki márte Sosıa­lıstik Eńbek Eri Jazylbek Qýanyshbaevtyń týǵanyna 125 jyl tolýyna oraı, bıyl dala akade­mıgi­niń esimi men muralaryn nasıhattaý boıynsha ju­mystar júrgizilýde. Ol qara­­kól qoıynyń tuqymyn su­ryptaýǵa jáne jaqsartýǵa úlken úles qosty. Ol ósirgen qarakól qoıy shetelderde joǵary baǵalandy. Jazylbek Qýanyshbaev eńbekke degen qabileti men óz isine degen súıispenshiliginiń arqasynda bıik belesterdi baǵyndyrdy. Ol óziniń tájirıbesin jas shopandarmen bólisip, balalardy jastaıynan eńbekke baýlydy. Búgingi tańda onyń jumys tájirıbesin taratý, jas urpaqqa eńbektegi erlikteri týraly nasıhattaý – asa mańyzdy», dedi ákim.

Al Aýyl sharýashylyǵy mınıstri Er­bol Qarashókeev jı­nalǵan kóp­shilikti qut­tyq­tady. «Jazyl­bek Qýanysh­baev qoı sharýa­shylyǵynyń damýyna, mal basynyń ósýine ólsheýsiz úles qosyp, ár júz saýlyqtan 130-140 qozydan alǵan. Onyń qajyrly eń­beginiń arqasynda sonaý qum­dy ólkede Qazaqstandaǵy qoı sharýashylyǵynyń negizgi bazasy quryldy. Sol kezde Jazylbek Qýanyshbaevtyń esimi Odaq aýmaǵynda ǵana emes, búkil álemge tarady. Qazaq halqynyń dańq­ty per­zentiniń mereıtoıy el Táýelsizdiginiń 30 jyl­dy­ǵymen tuspa-tus kelip otyr», dedi mınıstr.

Moıynqum aýdandyq qoǵamdyq keńes tóraǵasy Bolat Satybaldıev Jazyl­bek Qýanyshbaev týraly estelikterimen bólisti. «Jaz-ata beınelengen barelef pen saıabaqtyń ashylýy bizdiń kezdiń naǵyz batyryn eske túsiredi. Bul Jaz-ataǵa ǵana emes, aýyl sharýashylyǵy sala­synyń barlyq arda­geri­ne, qarapaıym sharýa­larǵa da kórsetilgen qurmet dep bilemin», dedi ol óz sózinde.

Budan keıin M.H.Dýlatı atyndaǵy Taraz óńirlik ýnı­ver­sıtetinde el Táýel­siz­diginiń 30 jyldyǵyna já­ne eki márte Sosıalıstik Eń­bek Eri Jazylbek Qýa­nysh­­baevtyń 125 jyldy­ǵyna arnalǵan birinshi respýblıkalyq ǵy­lymı-tájirıbelik konferensııa ótti. «Rýhanı jań­ǵyrý» baǵdarlamasy sheń­berinde «Respýblıkalyq mal ósirý­shiler sleti-2021» shara­sy aıasynda ótken konfe­ren­sııaǵa oblys ákimi Berdi­bek Saparbaev, Aýyl sha­rýa­shy­lyǵy mınıstri Erbol Qara­­shókeev jáne Shym­kent qalasynyń, Almaty, Qyzylorda, Túrkistan oblysy ákiminiń orynbasarlary, qoǵamdyq birlestikterdiń ókilderi men atalǵan joǵary oqý ornynyń professor-oqy­tý­shylar quramy qatys­ty. Konferensııanyń ashylýynda Berdibek Saparbaev Memleket basshysy Qasym-Jomart Toqaevtyń arnaıy joldaǵan hatyn qatysýshylarǵa oqyp berdi. Prezıdent hatynda Jazylbek Qýanyshbaev – eli­mizdiń mal sharýashylyǵyn damytýǵa ólsheýsiz úles qos­qan dańqty shopan eken­digi, kóp jylǵy eren eńbeginiń arqasynda asa tanymal tul­ǵaǵa aınalǵandyǵy aıtylǵan. Sonymen qatar Taraz qala­synda dańqty tulǵaǵa laıyq­­ty qurmet kórsetilip, ba­ryn­sha dáriptelip jat­qanyn qup­tarlyq qadam dep baǵa­lap, mundaı is-shara­lar ásirese jas býyndy ata­ká­sipke adal bolýǵa úndep, ónimdi eńbek etýge jigerlen­dire­tindigin atap ótken. О́z sózinde Berdi­bek Saparbaev «Eńbek er atan­dyrady» degen naqyl sózdiń «Dala akademıgi», «Malshy­lar­dyń marshaly» atanǵan Ja­zyl­bek Qýanyshbaevqa arnap aıtylǵandaı ekenin jetkizdi. «Ol jarty ǵasyrdaı adal eńbegimen shalǵaıda jatqan aýdannyń atyn as­pandatyp, mereıin kóterdi. Onyń dańqy keshegi Odaq kólemine deıin belgili bolyp, oblystyń ǵana emes, barsha qazaqstandyq­tyń maqtanyshyna aınaldy. Qyrqynshy jyldardyń basynda qarakól qoıyn ósirý qolǵa alynǵanda, Jazylbek Qýanyshbaev onymen alǵash aınalysqandardyń biri edi. Aǵa shopannyń, ásirese, soǵys kezindegi eńbegi elge erekshe úlgi boldy», dedi oblys ákimi. Sonymen qatar qazir­gi tańda oblysta qarakól qoı sharýashylyǵyn damytý maqsatynda 3 qarakól qoı sharýashylyǵyna be­ıim­del­gen qojalyq uıymdas­tyrylǵanyn, osy saladaǵy jetekshi ǵalymdarmen birge qoıdy qoldan uryqtandyrý tehnologııasy paıdalanylýda ekenin jetkizdi. О́ńirdegi mal sany 4,0 mıllıon basty qurap, 4,5 paıyzǵa artqan. Usaq mal basy 3,7 paıyzǵa ósip, 3 435,5 myńǵa jetken. Bıyl qarjy ınstıtýt­tary arqyly «Sybaǵa» baǵ­darlamasy boıynsha 1 271,0 mıllıon teńgege 29,7 myń bas qoı satyp alynǵan. Jambyl oblysynda 2014-2020 jyldar aralyǵynda «Altyn asyq» baǵdarlamasy arqyly 210,0 myń bas qoı satyp alynsa, sońǵy bes jylda 3,9 myń tonna qoı eti eksporttalǵan.

О́z sózinde Aýyl sharýa­shylyǵy mınıstri Erbol Qarashókeev elimizdiń agroóner­kásip keshe­ninde qa­lyp­tasqan jaqsy negiz jáne kóp­jyldyq táji­rıbeniń nátıjesinde koro­navırýs pandemııasyna baılanysty daǵdarysqa qara­mastan salada turaq­ty jaǵdaı saq­ta­lyp otyrǵandyǵyn atap ótti.

Konferensııa barysynda «Qazaqstan fermerler odaǵy» qaýymdastyǵynyń pre­zıdenti Jıgýlı Daı­ra­baev, Ulttyq Ǵylym aka­demııasynyń korres­pondent-múshesi Ábdirahman Om­baev jáne Atyraý oblysy­nan kel­gen kásipker Nazerke Kýsesova da óz usynys-pi­kir­­lerin bildirdi. Máselen, Jı­­gýlı Daırabaev qazirgi zaman­da kópshilik qoı baǵýdyń qıyn­daǵanyn, tipti tıimsiz bolyp qalǵanyn alǵa tartatynyn, ónimniń ózindik quny tómen bolýy úshin jaıylym jerlerdi barynsha tıimdi paıdalaný qajettigin aıtsa, Ábdirahman Ombaev bul konferensııa ataqty shopannyń tájirıbesin nasıhattap, taratýǵa, sol arqyly qoı sha­rýa­shylyǵyn damytýǵa yqpal etýde mańyzy zor bolatynyn jet­kizdi. Áýlıeata óńirine kel­gen qonaqtar aı­maq­taǵy oń ózgeristerdi, shara­nyń uıym­dastyrylýyn jo­ǵary baǵa­lap, oblys bas­shy­lyǵyna alǵys bildirdi. Kon­ferensııa barysynda «Jal­paq jurttyń Jaz-atasy» kitabynyń tu­saýy kesildi.

Mereıtoı aıasyn­da Jambyl oblysynda Qazaq­­stan mal­shylarynyń alǵash­qy res­pýblıkalyq sleti uıym­das­tyryldy. Osy oraıda, T.Rysqulov aýdanyn­da asyl tuqymdy aýyl sharýa­shy­lyǵy janýarlary men aýyl sharýashylyǵy teh­nı­­ka­synyń kórmesi ótti. Kór­mege arnaıy qatysqan oblys ákimi Berdibek Sapar­baev Jazylbek Qýanysh­b­aev esiminiń máńgi umytyl­maı­tynyn aıtsa, mınıstr Erbol Qarashókeev mal sharýa­shy­lyǵy salasy qyzmet­ker­leriniń mártebesin arttyrý maqsatynda keshendi sharalar qolǵa alynyp jatqanyn atap ótti. Basqosý barysynda mal sharýashylyǵyn, agro­ónerkásip keshenin damytý­dyń keń aýqymdy máseleleri, Qazaqstan Respýblıkasynyń agroónerkásip keshenin da­mytýdyń 2021-2025 jyl­darǵa arnalǵan ulttyq jobasyn iske asyrý tetikteri talqylandy. Sondaı-aq sporttyq jáne mádenı is-sharalar uıymdastyryldy. Kórme barysynda túrli atalym boıynsha jeńimpazdar saltanatty túrde marapattaldy. Sala ardagerlerine Aýyl sharýashylyǵy mı­nıstr­liginiń «Eńbek arda­geri» jáne «Aýyl sha­rýashy­lyǵy salasynyń úzdigi» tós­belgileri tabys etildi. «Úz­dik shopan» atalymynyń je­ńimpazy, T.Rysqulov aýdany­nyń turǵyny Seıitbek Dúı­senov mundaı deńgeıde mal­shy­lardyń sleti alǵash ret ótip otyrǵanyn aıtty. Al Berdi­bek Saparbaev sharýa qoja­lyǵynyń ozat shopany men jyl­qyshysyna 15 mıllıon teń­geniń sertıfıkatyn ta­bys etti. Bul qarjy olar­dyń otbasy úshin turǵyn úı salýǵa jumsalatyn bolady. Sondaı-aq oblys ákimi «Jyly bulaq Merki» sharýa qojalyǵynyń shopanyna «Lada Vesta» avtokóliginiń kiltin tabystady.