Qostanaı avtozaýytynda 150 myń kólik shyǵaryldy

Mereıtoılyq avtokólik qazaq­standyqtar arasynda keń sura­nysqa ıe, Qazaqstannyń avtomobıl naryǵynda kóshbasshy bolyp tur­ǵan Chevrolet Nexia modeline týra keldi. Máselen, bıylǵy úsh toq­sanda kóliktiń osy túrinen 9 myń­nan astam avtomobıl satyldy.

2021 jyldyń toǵyz aıda «SaryarqaAvtoProm» 38 myńnan astam avtomobıl shyǵardy, bul ótken jyldyń osy kezeńimen salystyrǵanda 147%-ǵa artyq. Pandemııaǵa qaramas­tan, avtozaýyt jylyna 60 myń avto­kólik shyǵaryp keledi.

Qostanaı zaýyty búgingi tańda JAC, Chevrolet, Kia, Renault, Lada, SAZ brendterdiń ónimderin shyǵarady.

Eldiń ishki naryǵyn qamtýmen qatar, bıyl otandyq óndiristiń 5 myń­nan astam kóligi Reseı Fede­ra­sııa­syna, Qyrǵyzstan, О́z­bek­stan, Ázerbaıjan men Belarýs Res­pýb­lıkalaryna eks­port­qa jiberildi.

Kásiporynnyń tabystary men jetistikteri – zaýyt ujymynyń kásibı sheberligi men qajyrly eńbeginiń jemisi. Qostanaı zaýytynda 1800-den astam adam jumys isteıdi, olardyń SAP University-de turaqty negizde oqý jáne biliktiligin arttyrý múmkindigi bar.