Bul is-sharanyń artyqshylyǵy nede jáne qandaı sebeptermen qaıta ımmýndaý qajettiligi týyndaıtyny jaıly ınfeksıonıst dáriger, medısına ǵylymdarynyń doktory Rozalııa Begaıdarova egjeı-tegjeıli túsindirip berdi.
– Kross-vaksınalaýdyń ózi adamǵa buryn almaǵan preparatty egý degendi bildiredi. Eger adam alǵashqyda Spýtnık V vektorlyq vaksınasyn alsa, onda belsendi emes – QazVac, Pfizer, Hayat-Vax jáne basqa da elimizde bar preparattarǵa júginýi kerek. Iаǵnı olarǵa qaıta vaksınalaýdan ótý usynylady.
Qazirgi tańda mamandar álemde jańa shtammdardyń paıda bolǵanyn aıtyp, dabyl qaǵýda. Mine, sol sebepti qaıta ekpe alý aǵzany qorǵaý úshin antıdenelerdiń jetkilikti deńgeıiniń qalyptasýyna múmkindik beretinin málimdeýge májbúr.
Birden aıta ketý kerek, revaksınasııadan ótý erikti negizde jáne barlyq egý tegin bolady. Mamandar qaıta ımmýndaý merzimi eki dozany alǵannan keıin alty aıdan toǵyz aıǵa deıin sozylatynyn aıtady. Onyń uzaqtyǵy alǵashqy alynǵan vaksınaǵa baılanysty. Máselen, Spýtnık V ekpesinen keıin toǵyz aı kútý kerek, al basqa jaǵdaıda alty aıdan keıin vaksına ala berýge bolady.
Qaıtalap ekpe alýdan eń aldymen dárigerler, pedagogter, quqyq qorǵaý qurylymdarynyń qyzmetkerleri jáne qyzmet kórsetý salasynda jumys isteıtinder ótedi. Bular koronavırýs ınfeksııasyn juqtyrý qaýpi joǵary adamdar sanatyna jatady.
Qaraǵandy oblysy
