Nagoıadaǵy muzaıdynda ótken jarystyń irikteý kezeńinde qazaqstandyq sportshylardan Denıs Nıkısha men Abzal Ájiǵalıev shırek fınalǵa joldama alǵan edi. Ekeýi de 500 metr qashyqtyq boıynsha baq synap, irikteý synynan irkilmeı ótti. Denıs Nıkısha máre syzyǵyn jetinshi bolyp kesse, Abzal Ájiǵalıev óz tobynda ekinshi boldy.
Fınaldyq saıysta Denıs Nıkısha tıisti qashyqtyqty 58.267 ýaqytta baǵyndyryp, qola júldege qol jetkizdi. Altyn júldeni ońtústikkoreıalyq Dehen Hvan jeńip alsa, qytaılyq Zıveı Ren tuǵyrdyń ekinshi satysynan kórindi. Al Abzal Ájiǵalıev bul joly da júldeli orynnan qur qaldy.
Aıta keterligi, bul – Denıs Nıkıshanyń bıylǵy maýsymdaǵy ekinshi júldesi. Bir apta buryn Qytaıda ótken Álem kýbogynyń birinshi kezeńinde de ol qola júldeni jeńip alǵan bolatyn.
