OTBASY MEN MEKTEP ARASY

6 kúnde 121 quqyq buzýshy, 500 jaısyz otbasy men balalar esepke alyndy Oblysta qolǵa alynǵan “Ot­basy jáne mektep” is-shara­synyń negizgi maqsaty – qoǵamǵa zııandy baǵyttaǵy jasóspirimder tobyn anyqtaý. О́ıtkeni, búginde kámelet­ke tolmaǵandardyń quqyq buzýshy­lyǵy, esirtkige táýeldiligi beleń alyp otyrǵany jalǵan emes. Bala­lardyń qaraýsyz qalýy men olarǵa ata-analary men eresekter tara­py­­nan qatygezdik tanytý, qyl­mys­ty isterge tartý derekteri de bar. Is-sharaǵa jergilikti atqarýshy organdar, prokýratýra, bilim berý, densaýlyq saqtaý mekemeleri, “Nur Otan” HDP jastar qanaty­nyń fılıaldary jáne kámeletke jasy tolmaǵandar isi jónindegi komıssııa qatysty. Operasııanyń alty kúni ishinde polısııa bólimshelerine ártúrli quqyq buzǵan 918 kámeletke tolmaǵandar jetkizildi. Olardyń sabaqtan jaltarǵandary – 134, kompıýterlik klýbtarda júrgen­deri – 55, qaraýsyz qalǵandary – 137. Sondaı-aq, ákimshilik jaýap­kershi­likke 175 eresek tulǵa tartyldy. Olardyń ishinde ul-qyzdaryna tárbıe berý paryz­daryna nemquraı­dy qaraǵan – 120 ata-ana bar. Túngi ýaqytta jasóspirimderdiń kóńil kóterý oryndarynda júrýine jol bergen kafe, klýbtardyń 13 qyzmet­kerleri de quqyq qorǵaýshylar nazarynan tys qalǵan joq. Kámeletke tolmaǵandar isi jó­nindegi qyzmetkerler jas­óspirim­derge temeki ónimderin satqan 22 satýshy, túngi ýaqytta balalardyń kóńil kóterý oryn­darynda júrýine jol bergen 19 ata-ana men Jam­byl aýda­nynyń Asa aýylynda jasós­pi­rim­derdi spırttik ishimdikti qol­danýǵa ıtermelegen 1 derekti anyq­tady. Jalpy, operasııa bary­synda 337 kámeletke tol­maǵan men 146 jaısyz otbasy esepke qoıyldy, quqyqtyq taqyrypta 1500-den astam is-sharalar men leksııalar ótkizildi. Qalalyq №1 polısııa bólimi­niń kámeletke jasy tol­maǵandar isi jónindegi ınspek­sııasynyń qyz­metkeri, polısııa kapıtany S. Tashlanova Taraz qalasynyń 4-shaǵyn aýdanyndaǵy úılerdiń birinen tastandy balaǵa tap bolǵan. Anyqtaı kele, beıtanys áıel sol úıdegi egde apaıǵa birer mınótten keıin kelip alyp ketemin dep 1,5 jasar qyzdy ustatyp, izin jasyrypty. Taraz qalasyndaǵy №41 mektep-gımnazııanyń ınspektory, polı­sııa aǵa leıtenanty M.Baı­ǵubekova “Bolashaqqa esirtkisiz jáne zııandy ádetsiz!” is-shara­syna qatysqan oqýshylardyń taǵylymy zor ǵıbrat alǵanyna qýanady. Sol kúni mektep-gımna­zııanyń aýla­synda oqýshylar, ata-analar, ustazdar men qala qonaq­tary jınalǵan. Atty ásker men kıno­log polıseıler jan-janýar­lardy úıretýdegi óz sheberlikterin kór­set­ken. Esirtkimen kúres jáne qoǵam­dyq tártipti saqtaýda qyz­met­tik ıtter men attardy paıda­laný erekshelikteri de oqýshy­lardyń qyzyǵýshylyǵyn oıatqan. – Jyl basynan beri 30 ata-ana quqyǵynan aıyryldy. Aldyn alý jumysy nátıjesinde jas­óspirimder qylmysy 14 paıyzǵa azaıdy, – deıdi polısııa qyzmetkerleri. Kósemáli SÁTTIBAIULY. Jambyl oblysy.