Koronavırýs • 02 Qarasha, 2021

Balalarǵa Sputnik-V vaksınasy salynatyny ras pa?

364 ret

kórsetildi

1 mın

oqý úshin

Densaýlyq saqtaý mınıstrligi «Spýtnık V» («Gam-KOVID-Vak-M») balalarǵa arnalǵan vaksınany satyp alý jáne qoldaný týraly jaýap berdi, dep habarlaıdy Egemen.kz.

Gaýhar QAPASh

Balalarǵa Sputnik-V vaksınasy salynatyny ras pa?

Bul týraly Tengrinews.kz saıty jazady.

Qazaqstan Densaýlyq saqtaý mınıstrligi Dári-dármek saıasaty departamentiniń málimetinshe, kún tártibinde mundaı másele joq.

«Qazirgi ýaqytta Qazaqstan Respýblıkasynda «Spýtnık V» («Gam-KOVID-Vak-M») vaksınasymen balalardy vaksınalaýǵa qatysty resmı derekter joq. Sonymen qatar Pfizer shyǵaratyn vaksınany jetkizý josparlanyp otyrǵanyn habarlaımyz. 12 jastan 18 jasqa deıingi balalardy, sondaı-aq júkti jáne bala emizetin áıelderdi vaksınalaý úshin elge barlyǵy 4 mıllıonǵa jýyq doza jetkiziledi, bul 2 mıllıon adamdy vaksınalaýǵa jetkilikti», delingen Dári-dármek saıasaty departamenti taratqan aqparatta.

Buǵan deıin «Spýtnıka V» ázirleýshisi koronavırýsqa qarsy balalarǵa arnalǵan vaksına tirkelgenin jarııalaǵan bolatyn. Gamaleıa ortalyǵynyń basshysy Aleksandr Gınsbýrg qazir mamandar dárige farmakologııalyq saraptama júrgizip jatqanyn aıtty. Gamaleıa ortalyǵy ázirlegen balalarǵa arnalǵan koronavırýsqa qarsy vaksına «Spýtnık M» dep atalýy múmkin.