Jarqyn jeńisterimiz jalǵasty bolsyn!

Shırek fınal joldama­syna talasqan alty boksshymyzdyń jeńisti jolyn 57 kılo salmaqtaǵy Serik Temirjanov bastap berdi. 2016 jyly Pavlodarda ótken jastar arasyndaǵy Azııa chempıonatynda top jarǵan ol úsh ja­rym jyldyń ishinde eresek­ter arasyndaǵy dodalarda da ózin jaqsy qyrynan kórsete bas­tady. 2018 jyly Qazaqstan chempıonatynyń kúmis medalin, 2019 jyly Majarstanda ótken halyq­aralyq týrnırdiń bas júldesin ıelengen jerlesimiz bıyl Tokıo Olımpıadasynda óner kórsetti. О́kinishke qa­raı, ekinshi aınalymda álem birin­shiliginiń kúmis júldegeri ame­rı­kalyq boksshyǵa ese jibergen edi. Endi, mine, Serbııadaǵy álemdik saıysta baq synap, týrnırdiń shırek fınalyna deıin jetip otyr. 23 jastaǵy otandasymyz álem birinshiliginiń 1/16 fınalynda ózinen boıy da, qoly da uzyn úndistandyq Rohıt Mormen judyryqtasty. Araqashyqtyqty saqtaı otyryp bokstasqan Temirjanov jekpe-jekti óz paıdasyna sheshti.

Serikten keıin sharshy alańǵa shyqqan ulttyq quramanyń kapıtany, 67 kılo salmaqtaǵy sań­laǵymyz Abylaıhan Júsipov te jan­kúıerler senimin aqtap, shırek fınalǵa shyqty. Qurama sa­pyndaǵy eki álem, eki Olım­pııa oıyndaryna qatysqan jalǵyz boksshymyz bul synda pol­sha­lyq Damıan Dýrkachty 5:0 ese­bimen aıqyn jeńdi.

Qazaqstandyq boksshylardan kúndizgi sessııany 75 kılo salmaq dárejesinde óner kórsetken 21 jas­taǵy Nurqanat Raıys túıin­dedi. Buǵan deıin jastar arasynda bolsyn, eresekter arasyn­da bolsyn birde-bir ret álem bi­rin­shiliginde judyryqtasyp kór­megen otandasymyz shırek fınalǵa joldama beretin aıqasta Bosqyndar quramasynyń ókili Sýlıman Aslamımen kezdesip, áriptesteriniń jeńisti jolyn jalǵady. Tipti jerlesimiz ekinshi raýndta qarsylasyn bir ret eseń­giretip te aldy. Jekpe-jek qorytyndysy boıynsha Nur­qanat tóreshilerdiń biraýyz she­shimimen jeńiske jetti – 5:0.

Keshki sessııanyń shy­myl­dyǵyn álem chempıonatyndaǵy jarqyn jeńisiniń arqasynda Qazaqstannyń ǵana emes, álem jankúıerleriniń yqylasyna bólengen Sáken Bıbosynov ashyp berdi. Azııa birinshiliginiń kúmis júldegeri, Úndistannyń úki­lep qosqan tájirıbeli boksshysy Depakpen sharshy alańda ju­dy­ryqtasqan Bıbosynov úsh
raýnd boıy qarsylasynyń adymyn ashtyrǵan joq. Sóıtip, tóreshilerdiń sheshimi boıynsha aıqyn basymdyqpen jeńiske jet­ken otandasymyz júldeli oryn­darǵa qaraı taǵy bir mańyzdy qadam jasady.  

Álem chempıonatyndaǵy tamasha jekpe-jekterimen boks mamandarynyń nazaryn ózine aýdarǵan Sanatáli Tóltaev (63,5 kg) keshe taǵy bir jarqyn je­ńi­simen jankúıerlerin qýantty. Otandasymyz jastar arasyndaǵy Eýropa chempıonatynyń kúmis júldegeri ýkraınalyq Denıs Pesoskııden aılasyn asyryp, syńary Samatálimen birge shırek fınalda judyryqtasatyn boldy.

Quramamyzdaǵy taǵy bir egizdiń syńary Nurbek Oralbaı (80 kg) artyq kúsh jumsamaı shı­­rek fınalǵa joldama aldy. Majarstannan kelgen Pal Ko­vachty 5:0 esebimen tize búktirip, úzdik segiz sportshynyń qataryna kirgen onynshy qazaqstandyq boksshy atandy.

Osylaısha, Qazaqstan qura­ma­synyń boksshylary 13 salmaqtyń onynda shırek fınalǵa shyǵyp, jalpykomandalyq esepte birinshi orynǵa jaıǵasty. Ekinshi orynda ¼ fınalǵa 8 boksshysy shyqqan Reseı quramasy tur. Al alty boks­shysy qalǵan О́zbekstan, Kýba jáne AQSh quramalary úshin­shi oryndy ózara bólisip tur. Sonymen qatar shırek fınalǵa Ún­dis­tan men Taılandtyń – 5, Ázer­baıjannyń 4 boksshysy jol­dama aldy.