«Atameken» Ulttyq kásipkerler palatasy men AQSh elshiligi uıymdastyrǵan jármeńkede qaraǵandylyq sheber ulttyq naqyshta aǵashtan jasalǵan biregeı buıymdardy usyndy.
Baıqaýda baq synaǵan úmitkerlerdiń jumysyn Eýropa, Afrıka jáne Ýkraına elderiniń sarapshylary baǵalady. Qazylar jumystardyń syrtqy sulýlyǵyna ǵana emes, sonymen qatar sheberler qurǵan bıznestiń ómirsheńdigine de basa nazar aýdarǵanyn aıta ketken jón.
Jas sheber Aqjol Jurtybaı qoldanbaly ónermen bala kezinen aınalysady. Alǵashqy ustazy óziniń atasy boldy. Aıta ketý kerek, Aqjoldyń ata-anasy da shyǵarmashylyq adamdary: ákesi aǵash sheberi, al anasy sýret pániniń muǵalimi.
Aqjol Jurtybaı aǵashpen jumys isteýdiń qyr-syryn atasy men ákesinen úırengenin maqtan etedi.
– Olar maǵan kóp nárseni úıretti. «Bastaý Bıznes» baǵdarlamasy boıynsha oqyp, óz isimdi ashqanymda olar myqty qoldaý kórsetti. Aýdan ákiminiń grantyn jeńip alyp, ol qarajatqa eki stanok satyp aldym. Bul iske ózimniń de qarjymdy saldym. Bir jylǵa jýyq ýaqyttan beri men óz brendimdi damytyp kelemin. Bul is ózime unaıdy, tabys ákelip jatqany da ras, – dep syr aqtarady sheber.
Qaraǵandy oblysy,
Qarqaraly aýdany
