Memlekettik kirister komıteti múlik salyǵyn tólemegen azamattarǵa salyq bereshegi týraly habarlama joldaǵan.
Sondaı-aq, Memlekettik kirister komıteti 2021 jyldyń 1 qazanynda jeke tulǵalardyń 2020 jylǵa arnalǵan múlik salyǵyn tóleý merzimi aıaqtalǵanyn eske saldy.
«Búginde 1 mıllıonnan asa azamattyń 3,4 mıllıard teńgeden asa múlik salyǵy boıynsha bereshegi bar. Antıreıtıngti Nur-Sultan (604 mıllıon teńge), Almaty (853 mıllıon teńge) jáne Shymkent (783 mıllıon teńge) turǵyndary bastap tur. Osyǵan baılanysty, 2021 jyldyń 1 qazanyna deıin salyq mindettemelerin oryndamaǵan azamattarǵa salyq bereshegi týraly habarlama jiberildi», dedi vedomstvo ókilderi.
Habarlama oryndalmaǵan jáne bereshegi 2021 jylǵy 15 qarashadan keıin tólenbegen jaǵdaıda, memlekettik kirister organdary bereshekti odan ári májbúrlep óndirý úshin jeke sot oryndaýshylaryna jibere otyryp, óndirip alý týraly uıǵarymdardy qarastyrady.
«Bank shottaryna tyıym salý, jeke sot oryndaýshylarynyń múlikke shekteý qoıýy jáne elden ketýge jol bermeý. Qaryz bar-joǵyn e-Salyq Azamat jáne ekinshi deńgeıli bankterdiń mobıldi qosymshasy, «Elektrondyq úkimet» portaly arqyly MKK baılanys ortalyǵynyń biryńǵaı nómiri – 1414 arqyly bilýge bolady», dep túıindedi vedomstvo ókilderi.
