Álem • 03 Qarasha, 2021

Qytaıda koronavırýs qaıta órshidi

2122 ret

kórsetildi

1 mın

oqý úshin

Qytaıda COVID-19 juqtyrýdyń jańa 93 jaǵdaıy tirkeldi, dep habarlaıdy Egemen.kz.

Gaýhar QAPASh

Bul týraly QHR Densaýlyq saqtaý jáne bala týý jónindegi memlekettik komıteti habarlady. 93 jaǵdaıdyń 35-i eldiń soltústik-shyǵysyndaǵy Heıhe qalasynda tirkelgeni atap ótildi.

Vedomstvoda bir kún buryn el ishinde 54 adam juqtyrǵany, ótken aptada 59 adam juqtyrǵany anyqtaldy. Sheneýnikter qazirgi jaǵdaı óte juqpaly delta shtamyna baılanysty dep sanaıdy. Sonymen birge, jergilikti BAQ bul tendensııany «alańdaýshylyq týǵyzady» dep jazýda. Sebebi bılik qabyldaǵan qatań shekteý sharalaryna qaramastan aýrý juqtyrý geografııasy keńeıip barady.

Qytaı bıligi vırýstyń taralýyn turǵyndardy jappaı testileý jáne aýrýhanalardy maqsatty túrde jabý arqyly boldyrmaýǵa tyrysty, óıtkeni aýrý 11 provınsııaǵa taralǵan. Qytaı saparlarǵa shekteýler qoıyp, tekserýlerdi kúsheıtti jáne aýrýdy basý úshin saq bolýǵa shaqyrdy.

Buǵan deıin Qytaıdyń Ýhan qalasynyń bıligi qalada koronavırýs ınfeksııasynyń birneshe jaǵdaıy anyqtalǵannan keıin búkil halyqty PTR-testileýden ótkizgen edi.