Jartylaı fınaldan 13 salmaq dárejesinde qazaqstandyq sportshylar beseýinde óner kórsetedi. Biraq, osy kezdesýlerdiń nátıjesine qaramastan, boksshylar álem chempıonatynyń bes medalin, sondaı-aq 25 000 dollar júldemen qamtamasyz etti.
Endi sáti tússe qazaqstandyq bylǵary qolǵap sheberleri joǵary synamaly medaldarǵa úmittene alady. Onda júlde somasy kúmis úshin - 50 000, birinshi oryn úshin -100 000 dollardy quraıdy.
Álem chempıonatynyń jartylaı fınaldyq kezdesýleri 4 qarashada saǵat 18:00-de bastalady. Kúndizgi sessııany qazaqstandyq boksshy Temirtas Júsipov (48 kg) ashady. Onyń qarsylasy 2017 jylǵy Eýropa chempıonatynyń qola júldegeri, Belarýs elinen kelgen Evgenıı Karmılchýk bolmaq.
Tokıo Olımpıadasynyń qola júldegeri Sáken Bıbosynov (51 keli) Taıland boksshysy Tanarat Saengfetıspen kezdesedi.
54 kelige deıingi salmaqta Mahmýd Sabyrhan Úndi Akash Kýmarǵa qarsy turady.
Qazaqstandyq-kýbalyq jekpe-jekti jankúıerler 57 kelige deıingi salmaq dárejesinde tamashalaıdy. Serik Temirjanov Osveı Kaballero Garsııaǵa qarsy rıngke shyǵady.
Qazaqstan quramasynyń kapıtany Abylaıhan Júsipovke (67 keli) japondyq Sevonret Okazava qarsylas atandy.
