Ol Vashıngtondy «naqty faktilerdi burmalady jáne óz yńǵaıyna saı aqparat taratty» dep aıyptady. Onyń aıtýynsha, jarııalanǵan qujat derekterge sáıkes kelmeıtin kórinedi. «Shyn máninde búkil álem úshin qaýiptiń eń úlken kózi — AQSh-tyń ózi», dedi Venbın.
Qytaı SIM ókiliniń aıtýynsha, eldegi ıadrolyq arsenal halyqaralyq qaýipsizdikti qamtamasyz etý úshin qajet. «Qytaıdyń atom qarýy álemniń kez kelgen eline qaýip tóndirmeıdi», dep qorytyndylady óz oıyn Venbın.
Buǵan deıin Pentagon Qytaı óziniń arsenalyn myń ıadrolyq oqtumsyqqa deıin keńeıte alady dep málimdedi. AQSh áskerı kúshteri Qytaıdyń ıadrolyq baǵdarlamasynyń qazirgi damý qarqyny AQSh Qorǵanys mınıstrliginiń 2020 jyly jasaǵan boljamdarynan asyp túsetinin atap ótti.
