Avıasııalyq qaýipsizdiktiń deńgeıi joǵary

Qazaqstannyń avıasııalyq bılik oryndarynyń shaqyrýy boıynsha qazaqstandyq áýejaılardy reısterge qyzmet kórsetý qabiletin ser­tı­fı­kattaý jáne Amerıka Qurama Shtattaryna tikeleı áýe marshrý­tyn ashý úshin CAT1 taǵaıyndaý ju­mys­tary bastaldy. TSA sarapshy­lary avıasııalyq qaýipsizdikti qam­tamasyz etý jaǵdaıyn baǵalaý maq­satynda Azamattyq avıasııa ko­mıte­tinde, Qazaqstannyń avıasııa­lyq ákimshiliginde, Nur-Sultan jáne Al­ma­­ty qalalarynyń áýejaılarynda boldy.

TSA komandasy avıasııalyq qa­ýip­sizdik salasyndaǵy qoldanys­ta­ǵy normatıvtik-quqyqtyq aktiler men sapany baqylaý is-sharalary Halyqaralyq azamattyq avıasııa uıymynyń (ICAO) standarttary men usynylatyn praktıkasyna sáıkes keletinin atap ótti. Nur-Sultan jáne Almaty qalalarynyń áýejaılarynda júrgiziletin sharalar men rásimder halyqaralyq talaptarǵa saı keledi. Al keıbir aspektiler boıynsha sharalar belgilengen standarttardan da joǵary. Mysaly, áýejaıdyń perı­metrin kúzetý jáne qorǵaý, qol­jetimdiligi kúzetiletin aımaqtarda kirý­di baqylaýdy qamtamasyz etý, qaýip­sizdikti qamtamasyz etetin per­so­naldy irikteý jáne biliktiligin arttyrý, bortta tamaqtaný, júkti jáne poshtany tekserý jónindegi sharalardy atap ótýge bolady.

Sarapshylar kıberqaýipsizdik, azamattyq avıasııany ushqyshsyz ushý apparattaryn paıdalaný ar­qyly zańsyz aralasý aktilerinen qorǵaý jáne jolaýshylardy tekserý kezinde qoldanylatyn áýejaı­lardaǵy tekserý jabdyqtaryn jań­ǵyrtý salasyndaǵy sharalardy ­je­tildirý múmkindikterin atap ótti. Jo­­­­­laý­shylardy úsh ólshemdi skaner­leý jabdyǵyna (bodı-skanerler) bir­­tindep kóshý jáne tekserý pýnk­t-
­terinde jarylǵysh zattardyń zamanaýı detektorlaryn paıdalanýdy da jetildirý kerek.

Avıasııalyq personaldy jáne olardyń zattaryn tekserý rásimderin, reısterdiń ulǵaıýyna baılanysty tekserý pýnktteri men beketteriniń sanyna baılanysty avıasııalyq qaýipsizdik qyzmetindegi kadrlardy jasaqtaý jónindegi sharalardy jaq­sartý boıynsha usynymdar be­rildi. Sonymen qatar Qazaqstan áýe­jaılarynyń ishinde eń úzdik bolyp sanalatyn Almaty áýejaıynda kınologııa boıynsha júrgizilip jatqan aýqymdy jumystar atap ótildi.

«Sarapshylar Azamattyq avıa­sııa komıtetiniń, Avıasııalyq retteý­shi men áýejaılardyń úılesimdi ju­mysyn baǵalady, aýdıtorlar al­dyn­daǵy ashyqtyqty atap ótti. TSA komandasy bizdiń mamandarmen avıa­sııalyq qaýipsizdikti qamtamasyz etý boıynsha ozyq tájirıbemen almasý boıynsha keńester ótkizip, týyn­daǵan máselelerge túsinikteme ber­di. Qazaqstannyń avıasııalyq ákim­shiligi men AQSh-tyń Kólik qa­ýip­sizdigi ákimshiligi arasyndaǵy yn­ty­maqtastyqty AQSh-qa tikeleı reıster ashý sheńberinde jalǵastyrý jáne keńeıtý týraly sheshim qabyldandy», dep habarlady Indýstrııa jáne ınfraqurylymdyq damý mınıstrligi.