Jıynda sóz alǵan Túrik akademııasynyń prezıdenti Darhan Qydyráli daıyndalǵan oqýlyqtar týraly keńinen maǵlumat berdi. Ol «Ortaq túrki tarıhy» oqýlyǵyn ázirleý jumystary máresine jetkenin habarlap, «Túrki áleminiń geografııasy» men «Ortaq túrki ádebıeti» oqý quraldarynyń da daıyn ekenin málimdedi.
Sonymen qatar, Akademııa prezıdenti ortaq oqýlyqtar ázirleý jumystaryna belsene qatysyp, qoldaý kórsetken taraptarǵa alǵys bildirdi.
Túrkııa Respýblıkasynyń Ulttyq bilim mınıstri Mahmýt О́zer «Ortaq túrki tarıhy» pániniń mazmuny mańyzdy sanalǵandyqtan joǵarǵy synyp deńgeıine deıin qabyldanǵanyn aıtty. Buǵan qosa, mınıstr Mahmýt О́zer 2022-2023 oqý jylynan bastap 9, 10 jáne 11-synyptarda «Túrki áleminiń geografııasy» jáne «Ortaq túrki ádebıeti» oqýlyqtarynyń tańdaý páni retinde engiziletinin aıtty.
Qazaqstan Respýblıkasynyń Bilim jáne ǵylym mınıstri Ashat Aımaǵambetov Qazaqstan mektepterinde «Ortaq túrki tarıhy» páni sátti oqytylyp jatqanyn atap ótti.
Ázerbaıjannyń Bilim mınıstri Emın Amrýllaev «Ortaq túrki tarıhy» aýqymdy joba ekenin aıtyp, Akademııanyń osy turǵydaǵy jumysyn joǵary baǵalady.
Qyrǵyzstannyń Bilim jáne ǵylym mınıstri Bolotbek Kýpeshev ortaq oqýlyqtar engizýdi qoldaıtynyn bildirip, atalǵan baǵyttaǵy máselelerdi zertteıtin birlesken komıssııa qurýdy usyndy.
Osy oraıda Túrkııa tarapy óziniń tóraǵalyǵy aıasynda ortaq oqýlyqtar boıynsha arnaıy jıyn uıymdastyrýdy usyndy.
Qarastyrylyp otyrǵan usynystardyń mańyzdylyǵyna toqtalǵan Túrki akademııasynyń prezıdenti mundaı mańyzdy qadamdardyń prosesti jedeldete túsetinine senim bildirdi.
