Atap aıtqanda, bir kúnde Sankt-Peterbýrgte – 75, Máskeý oblysynda – 52, Krasnodar ólkesinde – 45, Nıjnıı Novgorod oblysynda – 40, Perm aımaǵynda 39 ólim tirkeldi.
Elde jaǵdaı turaqtalǵanymen, qalyptasqan ahýal áli de kúrdeli. Eń kóp vırýs juqtyrǵandar el astanasy Máskeýde anyqtalǵan.
Osyǵan deıin Reseı prezıdenti Vladımır Pýtın koronavırýsqa baılanysty elde 30 qazannan 7 qarashaǵa deıin jalaqyny saqtaı otyryp, demalys kúnderin jarııalaǵan. Bul rette óńirler qajet bolǵan jaǵdaıda 23 qazannan bastap demalys engizýge múmkindik aldy, sondaı-aq ony 7 qarashadan keıin de uzarta alady. Máskeý bıligi 28 qazannan 7 qarashaǵa deıin qalada jumyssyz kúnderdi engizý týraly sheshim qabyldady.
Al vaksınalaý naýqany Reseıde qańtar aıynan bastap júrip jatyr. Elde koronavırýsqa qarsy bes vaksına tirkelgen: Reseı Federasııasynda jáne álemde alǵashqy COVID-19 vaksınasy bolǵan «Spýtnık V», sondaı-aq «Spýtnık Laıt», «EpıVakKorona», «EpıVakKorona-N» jáne «KovıVak».
Sondaı-aq bilim salasynda da qashyqtan oqýǵa ruqsat berilip otyr. Reseılik joǵary oqý oryndary qashyqtan oqytý formatyn 8 qarashadan keıin uzarta alady. Bul shara adamdar arasyndaǵy baılanysty azaıtýǵa jáne koronavırýstyq ınfeksııanyń taralýyn báseńdetýge arnalǵan. Sonymen birge Reseıdiń taǵy birneshe aımaǵy pandemııaǵa baılanysty engizilgen shekteý sharalaryn qataıtý týraly sheshim qabyldady.
Reseı Federasııasynda jumys emes kúnder rejimin 15 qarashaǵa deıin uzartý týraly birinshi bolyp Novgorod oblysynyń bıligi málimdegen.
