Básekeler Bakýde ótedi

Sporttyń bul túri Olımpıada baǵdarlamasyna 2000 jyly ǵana engizilgenimen, álem chempıona­ty sonaý 1964 jyldan beri úzdik­siz uıymdastyrylyp keledi. Sol aralyqta 24 márte jalaýy jel­biregen jarysta eń úzdik nátı­jege Reseı quramasy qol jet­kizgen eken. Olar 198 (94 altyn+54 kúmis+51 qola) júlde alǵan. Ekinshi jáne úshinshi oryndarda – AQSh pen Qytaı koman­dala­ry. Amerıkalyqtar 183 márte (69+62+52) jeńis tuǵyryna kóte­rilse, Aspanasty eliniń ókilderi 88 ret (51+29+8) dál sondaı qur­metke bólenipti. Fransııa (26+23+27) men Ulybrıtanııa (20+32+29) úzdik bestikti qory­tyndylaıdy. Sondaı-aq TOP-10 ko­mandanyń qatarynda Kanada (17+27+23), Aýstralııa (14+15+18), Portýgalııa (11+8+10), Be­larýs (10+21+17) jáne Ger­manııa (7+17+13) quramala­ry bar.

Jekelegen sportshylar jaıyn­da aıtar bolsaq, erler arasynda kezinde amerıkalyq Devıd Iаkobs (1967, 1968) pen Ýeın Mıller (1966, 1970), fransııalyq Rıshar Tıson (1974, 1976) men Lıonel Pıolaın (1984, 1986) jáne KSRO-nyń ókili Evgenıı Iаnes (1976, 1978) eki retten álem chempıondary atanǵan edi. Ýa­qyt oza olardyń al­dyn Evgenıı Moskalenko orap ketti. Reseıdiń Kras­nodar ólkesiniń týmasy bul belesti baqandaı bes ret (1990, 1992, 1994, 1999, 2001) baǵyn­dyrdy.

Bir keremeti, 2007 jyldan beri erlerdiń jekelegen saıysynda Qytaı qurama komandasynyń mú­sheleri aldaryna jan salar emes. Sol aralyqta shymyldyǵy tú­rilgen 10 jarystyń barlyǵynda da Aspanasty eliniń sportshylary aıqyn basymdyq tanytty. Al Danııanyń Odense, Bolgarııanyń Sofııa, Reseıdiń Sankt-Peterbýrg jáne Japonııanyń Tokıo qala­larynda ótken sońǵy tórt jarysta Gao Leıdiń aldyna túser eshkim tabylmady. О́zge eldiń eń maq­taýly sportshylaryna tek kúmis pen qola medaldy qanaǵat tutýlaryna týra keldi.

Áıelder arasyndaǵy alǵashqy tórt álem chempıonatynda AQSh ókili Djýdı Ýılls Klaın (1964-68) teńdessiz dep tanyldy. Ýa­qyt oza Irına Karavaevanyń shoqtyǵy bıik boldy. Ol bes ret (1994, 1998, 1999, 2005, 2007) al­tynnan alqa taqty. Qazirgi kezde burymdylar básekesinde Qytaı, Kanada, Belarýs jáne Japonııanyń ókilderi tabys­ty óner kórsetip, kópshiliktiń qoshemetine bólenýde.

Jalpy, sporttyń bul túrinen álem chempıonatynda 14 júlde jıyntyǵy sarapqa salynady. Joǵaryda biz tilge tıek etken erler men áıelderdiń jekelegen saıystarynan bólek, aralas sınhrondy sekirý, shaǵyn tramp, akrobatıkalyq jolaq, je­kelegen kópsaıys jáne osy jat­tyǵýlardyń barlyǵynan ko­man­dalyq básekeler uıymdas­ty­rylady. Al osynyń aldyndaǵy álemdik doda 2019 jyly Tokıoda ótti. Kúnshyǵys elinde myna el­der­diń ókilderi jeńis tuǵyryna kó­terildi:

Jekelegen saıys (erler):

1. Gao Leı (Qytaı), 2. Ivan Lıt­vı­­novıch (Belarýs), 3. Dýn Dýn (Qy­­taı). Jekelegen saıys (áıel­der): 1. Morı Hıkarý (Japonııa), 2. Doıhato Tısato (Japonııa), 3. Ro­zanna Maklennan (Kanada). Sınhrondy sekirý (erler):
2. Tasakı Kasýfýmı/Mýnemoto Gınga (Japonııa), 2. Oleg Rıabsev/Vladıslav Goncharov (Belarýs), 3. Mıhaıl Melnık/Sergeı Azarıan (Reseı). Sınhrondy se­kirý (áıelder): 1. Iýmı Tagagı/Aıano Kısı (Japonııa), 2. Anna Kornetskaıa/Sýsana Kochesok (Re­­seı), 3. Samanta Smıt/Tam Rechel (AQSh). Sınhrondy se­ki­rý­den komandalyq saıys (erler): 1. Belarýs, 2. Qytaı,
3. Re­seı. Sınhrondy sekirýden ko­man­dalyq saıys (áıelder): 1. Ja­ponııa, 2. Ulybrıtanııa, 3. Ka­nada. Akrobatıkalyq jo­laq (erler): 1. Aleksandr Lı­sısın (Reseı), 2. Elıot Braýn (Ulybrıtanııa), 3. Keıden Braýn (AQSh). Akrobatıkalyq jolaq (áıelder): 1. Vıktorııa Danılenko (Reseı), 2. Shenıs Devıdson (Ulybrıtanııa), 3. Keılı Megan (Ulybrıtanııa). Akrobatıkalyq jolaqtan komandalyq saıys (erler): 1. Ulybrıtanııa, 2. Reseı,
4. AQSh. Akrobatıkalyq jolaqtan komandalyq saıys (áıelder):
5. Ulybrıtanııa, 2. Reseı,
6. Fran­­sııa. Shaǵyn tramp (erler): 1. Mıhaıl Zalomın (Reseı), 2. Rýben Padılla (AQSh),
7. Alek­­sandr Genkert (AQSh). Sha­ǵyn tramp (áıelder): 1. Lına Stroı­berg (Shvesııa), 2. Dıbb Bronvın (Aýstralııa), 3. Alek­sandra Bonarseva (Reseı). Shaǵyn tramptan komandalyq saıys (erler): 1. Reseı, 2. AQSh, 3. Por­týgalııa. Shaǵyn tramptan koman­dalyq saıys (áıelder): 1. AQSh, 2. Ulybrıtanııa, 3. Reseı. Jeke­legen kópsaıys: 1. Reseı, 2. AQSh, 3. Qytaı.

Batýtta sekirýden Olımpııa oıyn­darynda nebári eki júlde jıyntyǵy ǵana sarapqa salynady. Bul rette ózgelerden Qytaı­dyń kóshi ilgeri. Bes ǵalamdyq dodanyń nátıjesi boıynsha Aspanasty eliniń ókilderi 4 altyn, 4 kúmis jáne 6 qola medalmen shashalaryna shań juqtyrǵan emes. Odan keıingi oryndarda Kanada (2+3+2), Reseı (2+2+0), Bela­rýs (2+0+0), Ýkraına (1+1+0), Germanııa (1+0+1), Uly­brıtanııa (0+1+1), Aýstralııa (0+1+0), Jańa Zelandııa (0+0+1) jáne О́zbekstan (0+0+1) qura­malary. Bıyl Tokıoda alaý­y tutanǵan Olımpıadanyń erler básekesinde belarýstyq Ivan Lıtvınovıch bas júldeni oljalady. Ol Qytaıdyń eki birdeı dúlúldi – Dýn Dýn men Dılan Shmıdti artta qaldyrdy. Bir keremeti, Olımpııa oıyndarynda Belarýs ókilderi qatarynan ekinshi márte altyn tuǵyrǵa kó­terildi. Osydan bes jyl buryn Rıo-de-Janeıroda ótken jarysta Vladıslav Goncharov top jarǵan edi. Al áıelder saıysynda qytaılyq Chjý Sıýeın men Lıý Lınlın altyn men kúmis medaldy ózara bólisse, ulybrıtanııalyq Brıonı Beıdj qolaǵa qol sozdy.