Klýbtar arasyndaǵy eń bedeldi týrnırdiń negizgi kezeńine – 18 ret, elıtaly satysyna 15 márte shyqqan Almatynyń «Qaıraty» bıylǵy dodada Reseıdiń «Tıýmen», Belarýstiń «VıtEn» jáne Fransııanyń «Aner-Vılnev» komandalarymen A tobynda oınaıtyn boldy. Toptaǵy matchtar Reseıde ótedi. Jankúıerlerdiń esinde bolsa, «Qaırat» Chempıondar lıgasynyń negizgi kezeńinde «Tıýmen» klýbymen kezdesip, 3:3 esebimen teń túsken-di. Al «Aner-Vılnev» jarystyń atalǵan satysynda qazaqstandyq «Atyraýdy» 6:0 esebimen jeńgen bolatyn.
Sonymen qatar elıtaly kezeńniń V tobynda «Sportıng» (Portýgalııa), «Hovokýbo» (Nıderland), «Olmıssým» (Horvatııa), «Sınara» (Reseı); S tobynda «Plzen» (Chehııa), «Doboves» (Slovakııa), «Halle-Gooık» (Belgııa), «Barselona» (Ispanııa) jáne D tobynda «Benfıka» (Portýgalııa), «Ýragan» (Ýkraına), «Haladash» (Majarstan), «Levante» (Ispanııa) komandalary synǵa túsedi. Bul kezeńniń oıyndary 30 qarasha men 5 jeltoqsan aralyǵynda ótedi. Fınalǵa ár toptyń jeńimpazy ǵana joldama alady.
