Muhametǵalı Aryspaev karantındik shekteýler tóńiregindegi máseleniń talqylanǵanyn naqtylady.
«Qarasha aıynan bastap tek «jasyl» mártebesi bar tulǵalardy saýda oıyn-saýyq ortalyqtaryna, kınoteatrlarǵa, meıramhanalarǵa kirgizý josparlanýda. «Kók» mártebeniń ıeleri endi tek demalys kúnderi ǵana emes, jumys kúnderi de qoǵamdyq oryndarǵa bara almaıdy. Sebebi «kók» mártebesi bar adamdardyń 1%-y - medotvody bar adamdar, al qalǵan 99%-y – jaı ǵana egilmegen adamdar», dep málimdedi vedomstvo basshysy.
Onyń aıtýynsha, oblysta vaksınasııa baıaý qarqynmen júrýde.
«Jumys istemeıtin jáne ózin-ózi jumyspen qamtyǵan adamdar vaksınasııalaý úshin emhanalarǵa kelmeıdi. Qazir bul másele boıynsha qaýly daıyndap jatyrmyz. Ekinshi másele – ata-analar mektepke deıingi balalar mekemelerine tek «jasyl» mártebemen kire alady», dep túıindedi dáriger.
Aıta ketsek, BQO Qazaqstandaǵy epıdemıologııalyq ahýaldy baǵalaý matrısasy boıynsha «jasyl» aımaqta ornalasqan.
