«Jaıly turǵyn úı» jobasy aıasynda turǵyn úı qurylysyna 13,5 trln teńge ınvestısııa tartylady», dedi Áset Erǵalıev OKQ brıfınginde.
Atap aıtqanda, 185,1 myń adam úshin jeke turǵyn úı qorynan turǵyn úıdi jalǵa alý shyǵystaryn sýbsıdııalaý, 102,3 myń birlik áleýmettik jalǵa berý jáne kredıttik turǵyn úı salý, jumys isteıtin jastar úshin 15 myń birlik turǵyn úı salý, sondaı-aq aýylda 2,9 myń jalǵa berý úıin salý boıynsha jumys berýshilerdiń shyǵyndaryn sýbsıdııalaý kózdelgen.
«Jalpy, 103 mln sharshy metr jańa turǵyn úı paıdalanýǵa beriledi. 235 myń jeke turǵyn úı qurylysyna arnalǵan jer ýchaskeleri ınjenerlik-kommýnıkasııalyq ınfraqurylymmen qamtamasyz etiledi», dedi Ulttyq ekonomıka mınıstrliginiń basshysy.
