«Búgingi tańda Antıkor Memleket basshysynyń tasyrmasyna sáıkes, laýazymdy tulǵalardy jekelep quryqtaýdan, jemqorlyq árekettiń tolyq sulbasyn ashý ádisine kóshti. Bul júıeli ári tıimdi tásil. Árıne, sybaılys jemqorlyq árekettiń birneshe túri bar. Atap aıtsaq, turmystyq, korporatıvtik nemese júıeli jemqorlyq. Sonyń ishinde eń qaýiptisi júıeli paraqorlyq. Bul jaǵdaıda Antıkor jemqorlyqtyń osy atalǵan túrimen kúresýdi qolǵa aldy. Meniń oıymsha, bul bizdiń elimiz úshin tıimdi bolmaq», - dedi Dáýren Abaev «Habar» telearnasynda ótken «Ashyq dıalog» 2.0 (Otkrytyı dıalog 2.0) suhbatynda pikirimen bólisip.
Ol Sybaılas jemqorlyqqa qarsy is-qımyl agenttigi paraqorlyqpen kúresýdiń jańa ádisin ýaqytyly qolǵa alǵanyn da tiline tıek etti. «Qazirdiń ózinde aýyl sharýashylyǵy salasynda «jemqorlyq renta» týraly áńgime aıtylyp jatyr. Múmkin qazaqstandyqtar azyq-túlik satyp alǵan kezde taýar úshin ǵana emes sheneýnikterdiń qaltasyn qampıtý úshin tólep jatqan shyǵar. Sondaı-aq, Antıkor basqa salalar boıynsha da jemqorlyq áreketterdiń betin ashý baǵytynda jumys istep jatyr», - deıdi ol.
