Qazirgi jaǵdaı men atqarylyp jatqan jumystar týraly Ulttyq bank tóraǵasy Erbolat Dosaev, saýda jáne ıntegrasııa vıse-mınıstri Erjan Qazanbaev, aýyl sharýashylyǵy birinshi vıse-mınıstri Aıdarbek Saparov, Básekelestikti qorǵaý jáne damytý agenttiginiń tóraǵasy Serik Jumanǵarın, Batys Qazaqstan oblysynyń ákimi Ǵalı Esqalıev, Shyǵys Qazaqstan oblysynyń ákimi Danıal Ahmetov, Aqmola oblysynyń ákimi Ermek Marjyqpaev, Atyraý oblysynyń ákimi Mahambet Dosmuhambetov, Qyzylorda oblysynyń ákimi Gúlshara Ábdiqalyqova jáne t. b. baıandady.
О́tken aptada respýblıka boıynsha áleýmettik mańyzy bar azyq-túlik taýarlary baǵasynyń jalpy ósý ındeksi 0,0%-dy qurady. Qabyldanǵan sharalar esebinen sábiz (-3,1%), pııaz (-2,2%), kartop (-0,8%) baǵasynyń tómendeýi baıqalady. Súzbe, kúnbaǵys maıy, kúrish jáne tuz baǵasy ózgergen joq.
О́ńirlerde «aınalym shemasyn» qarjylandyrý 46,6 mlrd teńgege jetti. Nysanaly deńgeı 93,2%-ǵa qamtamasyz etildi. «Aınalym shemasy» boıynsha tıimdi jumys Nur-Sultan, Almaty jáne Shymkent qalalarynda, Almaty, Shyǵys Qazaqstan, Batys Qazaqstan, Qostanaı jáne Soltústik Qazaqstan oblystarynda baıqalady.
О́tken aptada Básekelestikti qorǵaý jáne damytý agenttigi ártúrli baǵalardy qoıý turǵysynan ústem jaǵdaıdy teris paıdalaný belgileri boıynsha: Soltústik Qazaqstan oblysynda taýyq jumyrtqasyn óndirýshilerge, Nur-Sultan qalasynda taýyq jumyrtqasyn kóterme saýdada jetkizýshige, Aqtóbe oblysynda taýyq etin kóterme saýdada jetkizýshige, Almaty oblysyndaǵy taýyq jumyrtqasyn óndirýshilerge baǵany ustap turý bóliginde básekelestikke qarsy kelisilgen áreketteri úshin 6 habarlama shyǵardy.
Qyzylorda jáne Batys Qazaqstan oblystaryndaǵy óndirýshilermen jáne saýda jelilerimen monopolııaǵa qarsy komplaenstiń 4 aktisi jasaldy. Jalpy, respýblıka boıynsha monopolııaǵa qarsy komplaenstiń 139 aktisi jasaldy.
Batys Qazaqstan oblysynda et jáne taýyq jumyrtqasy, nan men un, makaron ónimderin óndirýshilerdiń baǵanyń ósýi múmkin ekeni týraly jarııa málimdemesi úshin monopolııaǵa qarsy zańnamany buzýǵa jol bermeý týraly 6 eskertý jasaldy.
Aldyn ala derekter boıynsha, qus fabrıkalary tarapynan monopolııaǵa qarsy zańnamany buzý belgileri baıqalýda. Qaıtalanatyn buzýshylyqtar boıynsha tergeý habarlamalar shyǵarylǵan kúnnen bastap kúntizbelik bir jyl ishinde júrgiziledi.
Premer-Mınıstr óńirlerdiń ákimderine baǵany baqylaýdy jáne áleýmettik mańyzy bar azyq-túlik ónimderiniń árbir pozısııasy boıynsha tıisti jedel sharalar qabyldaýdy, baǵanyń ósýine jol bermeý úshin azyq-túlik taýarlaryn dúken sórelerine ýaqytyly jetkizýdi qolmen qamtamasyz etýdi tapsyrdy.
Egin jınaý naýqanynyń aıaqtalýyn jáne aldaǵy merekelerdi eskere otyryp, ákimdikterge bir apta ishinde óńirlerdi unmen 100%-ǵa deıin qamtamasyz etý, buǵan deıin bekitilgen normatıvterge sáıkes negizgi kókónister boıynsha qorlardy tolyqtyrý, sondaı-aq deldalsyz saýda jelileri men óndirýshiler arasynda forvardtyq satyp alý sharttaryn jasasýdy qamtamasyz etý tapsyryldy.
