«Prokýratýra organdary kollektorlar qyzmetindegi zań buzý faktilerin anyqtaý jáne jolyn kesý boıynsha josparly jumys júrgizýde. Búgingi tańda elimizde 200-ge jýyq kollektorlyq uıym jumys isteıdi. Olardyń qyzmeti únemi azamattardyń synyna ushyrap jatady. 2020 jyly men bıylǵy 8 aıda ýákiletti organǵa olardyń zańsyz áreketteri týraly 691 shaǵym kelip tústi. Sol shaǵymdar boıynsha tekserýler júrgizildi», dep jazdy Ǵızat Nurdáýletov depýtattyq saýalǵa bergen jaýabynda.
Sondaı-aq, ol kollektorlyq uıymdar jıi jiberetin negizgi zańbuzýshylyqtardy atady.
«Negizgi buzýshylyqtar – boryshkerdi mindettemelerdi oryndaýǵa májbúrleıtin josyqsyz áreketter; bereshektiń mólsherine, sıpatyna jáne týyndaý negizderine qatysty jańylystyrý; qaryz boıynsha quqyqtardyń (talaptardyń) úshinshi tulǵaǵa ótý múmkindigi týraly habarlama talabyn saqtamaý jáne basqalar», dep atap ótti Bas prokýror.
Onyń málimeti boıynsha, tekserýler qorytyndysy negizinde tizilimnen 28 kollektorlyq agenttik shyǵarylǵan.
«Sondaı-aq 12 mln teńgege 60 den qoıý sharasy men sanksııalar qoldanyldy. Tekserý qorytyndysy boıynsha 22 kollektorlyq agenttik qyzmetin erikti túrde toqtatý týraly sheshim qabyldady. 4 jyl ishinde kollektorlyq kompanııalarǵa ákimshilik quqyq buzýshylyq týraly bar-joǵy 45 hattama jasalǵan. Bul olardyń atyna jiberilgen buzýshylyqtar men shaǵymdar sanyna naqty sáıkes kelmeıdi. Kollektorlardy buzýdyń aldyn alý úshin prokýratýra organdary olardyń jumysyn baqylaıtyn agenttiktiń jaýapkershiligin arttyrý tásilderin qaıta qarastyrýda», dep túıindedi Ǵızat Nurdáýletov.
