Jedel shtab quryldy, oǵan kompanııa men memlekettik organdardyń ókilderi kirdi. Oblys jáne kompanııa basshylyǵy qaza tapqan kenshilerdiń otbasylaryna barady.
Qazaqstan Premer-Mınıstri Asqar Mamınniń tapsyrmasy boıynsha Tótenshe jaǵdaılar mınıstri Iýrıı Ilınniń basshylyǵymen oqıǵanyń mán-jaıy men sebepterin anyqtaıtyn memlekettik komıssııa quryldy.
«Abaı aýdany aýmaǵyndaǵy shahtada bolǵan apat faktisine baılanysty Qazaqstan Respýblıkasy kylmystyq kodeksiniń 277-baby 3-bóligine sáıkes sotqa deıingi tergeý bastaldy. Qazirgi ýaqytta oqıǵa ornynda jedel-tergeý toby jumys istep jatyr. Qaraǵandy oblysy Polısııa departamentiniń basshylyǵy men jeke quramy qaza bolǵan kenshilerdiń jaqyndary men týystarynyń qaıǵysyna ortaqtasyp kóńil aıtady», dedi Qaraǵandy oblysynyń PD baspasóz qyzmetinen.
Apatqa baılanysty Qaraǵandy oblystyq TJD-da jedel telefon nómirleri jumys isteı bastady: 8 (7212) 51-11-10, jedel jeli - 8 (7212) 51-72-23.
«Abaı» shahtasynda qaza tapqan kenshilerdiń tizimi:
Shmıdt Vıtalıı Vladıslavovıch, 1979 j.t.;
Skıtchenko Nıkolaı Nıkolaevıch 1968 j. t.;
Abdýllın Naıl Ramılevıch, 1990 j.t.;
Sýprýnov Alekseı Alekseevıch, 1987 j. t.;
Kraýs Sergeı Iýrevıch, 1983 j. t.;
Kornıenko Sergeı Anatolevıch, 1971 j.t.
«Abaı» shahtasynda zardap shekken kenshiler:
Maralbaev Jeńis Merekeuly, 1963 j.t.;
Zeınalov Elaıdyn Avez-ogly, 1960 j.t.
