«Qurmetti Sáken Ismadııaruly! Sizdi bokstan Belgradtaǵy XXI Álem chempıonatynda jeńiske jetýińizben shyn júrekten quttyqtaımyn! Siz álemniń myqtylary bas qosqan Serbııadaǵy bəsekede joǵary daıyndyǵyńyz ben ózgeshe judyryqtasý mənerińizdi pash etip, óz salmaǵyńyzda qarsylas shaq keltirmegen bylǵary qolǵap sheberisiz. Bıylǵy Əlem chempıonatynda baı dástúri bar qazaq boks mektebi – jer júzi moıyndaǵan myqtylar ordasy ekenin taǵy bir mərte pash ettińiz. Sizdiń búgingi jetistigińiz baıtaq otanymyzdyń túkpir-túkpirindegi órenderdiń sportqa, onyń ishinde boks ónerine degen qushtarlyǵyn arttyra beredi dep senemin. Aldaǵy ýaqytta da sharshy alań tórinde mereıińiz ústem túse bersin. Laıym osy jolda eńbegińiz berekeli bolyp, qajyr-qaıratyńyz arta bersin», dep quttyqtaýyn Sáken Bıbosynovqa joldady.
Sonymen qatar mádenıet jáne sport mınıstri Serik Temirjanovty da jeńisimen quttyqtady.
«Qurmetti Serik Temirjanov! Sizdi bokstan Serbııada ótken XXI Álem chempıonatynyń kúmis júldegeri atanýyńyzben shyn júrekten quttyqtaımyn! Siz Belgradtaǵy básekede joǵary fızıkalyq jáne psıhologııalyq daıyndyqtyń jarqyn úlgisin kórsetken sheber boksshysyz. Aqtyq synda bar kúshińizdi salyp, qarsylaspen teń dárejede judyryqtastyńyz. Əlem chempıonatynda júlde jeńip alǵan tuńǵysh Kereký óńiriniń bylǵary qolǵap sheberi atandyńyz. Sizdiń bul jetistigińiz ólkedegi jastardyń sportqa degen qyzyǵýshylyǵyn arttyrý túsýine tilektespin. Aldaǵy ýaqytta da talaı synda tuǵyrly kók baıraǵymyzdy bıikte jelbiretip, aıbarly ənuranymyzdy shyrqata berińiz. Laıym osy jolda eńbegińiz berekeli bolyp, qajyr-qaıratyńyz arta bersin», dedi Aqtoty Raıymqulova.
