Aqtaý qalasynyń ákimi Nurdáýlet Qılybaıdyń aıtýynsha, túnde oblys ákimi oqıǵa ornynda bolyp, quqyq qorǵaý jáne memlekettik organdardyń basshylarymen jedel keńes ótkizgen.
«Bizdiń tarapymyzdan barlyq tehnıka jumyldyryldy. Qazir TJD mamandary kınologtarmen birge jumys istep jatyr. Ashana ıesi keshki saǵat 20:00 shamasynda ashanany jaýyp, ishinde adam bolmaǵanyn aıtty. Saǵat 00:00-ge deıin densaýlyq saqtaý salasyna eshkim habarlaspady», dedi Aqtaý qalasynyń ákimi Nurdáýlet Qılybaı.
Mangystaumedia.kz saıtynda jarylys bolǵan kezde jaqyn jerde 11 kólik bolǵany jazylǵan. Jarylystan barlyq kólikke zııan kelgen. Jol polısııasynyń qyzmetkerleri arnaıy tehnıkanyń kómegimen úsh kólikti evakýasııalady. Odan ári evakýasııalanatyn segiz kóliktiń ıesi anyqtalyp jatyr.
