Álem • 08 Qarasha, 2021

Angela Merkel saıasattan ketti

370 ret

kórsetildi

1 mın

oqý úshin

Angela Merkel qyzmetinen ketkennen keıin endi saıasatpen aınalysýǵa nıeti joq ekenin aıtty, dep habarlaıdy Egemen.kz.

Gaýhar QAPASh

Bul týraly Deutsche Welle basylymyna bergen suhbatynda Merkel kansler qyzmetinen ketkennen keıingi jospary - uıqy men oqý ekenin aıtqan.

«Men budan bylaı saıasatqa aralaspaımyn. Saıası qaqtyǵystardy joıýǵa qatyspaımyn. Munymen kóp jyl boıy aınalysyp kelemin, 16 jyl kansler laýyzymyndamyn», dedi Merkel basylymǵa bergen suhbatynda.

Saıasatker bir-eki aıdan keıin basqa josparlary bolatynyn, sony júzege asyratynyn aıtty.

«Men kóp jyl boıy aldyma qoıylǵan kún tártibimen júrdim jáne árqashan daıyn bolýym kerek edi, eger birdeńe bolsa, úkimet basshysy retinde isteý kerek jumystar bar. Oǵan dereý áreket etý kerek. Qazir óz qalaýym boıynsha ne isteıtinimdi anyqtaǵym keledi. Biraq bul birneshe aıdan keıin belgili bolady», dedi Merkel.

20 mınýttyq suhbat barysynda Merkel adal qyzmet istegenin birneshe ret atap, Fransııa Prezıdenti Emmanýel Makrondy jáne basqa da kóshbasshylardy saǵynatynyn aıtty.

Aıta keteıik, 27 qazanda Merkel resmı túrde Germanııa kansleri qyzmetin toqtatty. Budan bylaı Merkel men GFR úkimetiniń qalǵan músheleri óz fýnksııasyn Germanııada jańa úkimet qurylǵanǵa deıin atqarady.