Oblystyq polısııa departamenti baspasóz qyzmetinen málim etkendeı, 29 jáne 23 jastaǵy eki kúdikti buryn sotty bolǵan.
«Aldyn ala sóz baılasqan eki kúdikti 13 qazanda saǵat 15:00 shamasynda «О́rken» shaǵyn aýdanyndaǵy úılerdiń birine syrtqy plastıkalyq terezesin yǵystyrý arqyly kirgen. Sóıtip, 1984 jylǵy áıeldiń ishigin, baǵaly qol saǵatyn, sporttyq aıaq kıim men «Samsýng» markaly uıaly telefonyn urlaǵan», dedi polısııa departamentiniń baspasóz qyzmetinen.
Urlyq jasaǵan kúdiktiler jábirlenýshige 535 myń teńge materıaldyq shyǵyn keltirilgen.
«Eki kúdikti 18 qazanda saǵat 13:30 shamasynda «О́rken» shaǵyn aýdanyndaǵy taǵy bir úıge plastıkalyq terezeden kirip, urlyqqa túsken. Bul joly 37 jastaǵy áıeldiń úıinen «Samsýng» markaly teledıdaryn, ıýtýb kanalyn jalǵaýǵa arnalǵan jabdyqty, qundyz terisinen tigilgen ishikti, baǵaly kúrteshe men smart-saǵatty urlap, oqıǵa ornynan boı tasalaǵan. Jábirlenýshige materıaldyq keltirilgen shyǵyn kólemi 605 myń teńgeni qurady», dep habarlady departamenttiń baspasóz qyzmeti.
Polısııa qyzmetkerleri urlyq deregimen eki kúdiktini ustady. Olardan aıǵaq zattar tárkilenip, kúdiktiler tergeý ızolıatoryna qamaýǵa alyndy.
«Eki kúdiktiniń buryn urlyq, tonaý, qaraqshylyq qylmystarymen sotty bolǵany belgili boldy. Qazir kúdiktilerge qatysty QR Qylmystyq kodeksiniń 188-babynyń 2 jáne 3-bóligimen qylmystyq is qozǵalyp, sotqa deıingi tergeý bastaldy. Kúdiktilerdiń basqa qylmystarǵa qatysy anyqtalyp jatyr», dedi baspasóz qyzmeti.
