Memleket basshysy Ulttyq bank tóraǵasynyń bıylǵy 10 aıdaǵy aqsha-kredıt saıasatyn iske asyrýdyń aldyn ala qorytyndysy jáne álemdegi ınflıasııalyq qysymnyń kúsheıip, azyq-túlik baǵasynyń qymbattaı túskeni týraly esebin tyńdady. Sonymen qatar Qasym-Jomart Toqaevqa Halyqaralyq valıýta qorynyń ınflıasııany turaqtandyrý jónindegi boljamdary, sondaı-aq damyǵan elderdiń yntalandyrý saıasatynan beıtarap saıasatqa kóshýine baılanysty damýshy naryqtardan kapıtaldyń jylystaý qaýpi bar ekeni aıtyldy.
Kezdesý barysynda Úkimetpen birlesip, ınflıasııaǵa tótep berý jónindegi sharalar keshenin júzege asyrýǵa qatysty Prezıdent tapsyrmalarynyń oryndalý barysy, sondaı-aq azyq-túlik baǵasynyń ósýi bolar-bolmas baıaýlaǵanyna baılanysty qazan aıyndaǵy jyldyq ınflıasııanyń deńgeıi 8,9 paıyz bolǵany týraly aqparat berildi.
Erbolat Dosaev Qasym-Jomart Toqaevqa bıylǵy 9 aıda qalyptasqan tólem balansynyń aldyn ala baǵalaý kórsetkishi týraly málimet usyndy. Baǵalaýǵa sáıkes saýda balansynyń jaqsarýyna baılanysty tólem balansynyń tapshylyǵy 3 mıllıard AQSh dollaryna deıin tómendegen. Tutynýshylyq ımporttyń ósýi tólem balansynyń odan ári jaqsarýyn tejeıdi.
Prezıdentke altyn baǵasynyń qymbattaýy esebinen altynvalıýta qory aktıvteriniń ósýi jóninde jáne jyl basynan beri Ulttyq qordaǵy ınvestısııalyq kiristiń 2 mıllıard AQSh dollaryna (3,44%) deıin qaıta qalpyna kelgeni týraly aqparat berildi.
Ulttyq banktiń derekterine sáıkes BJZQ portfelin ártaraptandyrý nátıjesinde zeınetaqy aktıvteri men ınvestısııalyq kiris kólemi ósken.
Sonymen qatar Erbolat Dosaev Memleket basshysynyń tapsyrmasyn oryndaý maqsatynda Ulttyq tólem júıesin pılottyq rejımde iske qosýǵa daıyn ekenin jetkizdi.
Kezdesý sońynda Qasym-Jomart Toqaev Ulttyq bank tóraǵasyna birqatar naqty tapsyrma berdi.
