Dári-dármek baǵasy baqylaýda

Densaýlyq saqtaý mınıstrligi elimizde dárilik quraldarǵa baǵanyń ósýine jol bermeý maqsatynda jergilikti atqarýshy organdarmen birlese otyryp, shuǵyl sharalar qabyldaýda. 2014 jylǵy 13 aqpanda  Densaýlyq saqtaý mınıstrligi birqatar «Farmqyzmetti qoldaý jáne damytý qaýymdastyǵy»; «Qazaqstannyń FarmMedIndýstrııasy» qaýym­dastyǵy; Farmasevtıkalyq ónimder dıstrıbıýtorlary, Farmasevtıkalyq fırmalar ókildikteri jáne «Ulttyq densaýlyq saqtaý palatasy» zańdy tulǵalar birlestigimen dárilik qural­darǵa baǵany ustap turý týraly memo­randýmǵa qol qoıdy. Memorandýmǵa qol qoıýdaǵy maqsat – tegin medısınalyq kómektiń kepildik berilgen kólemine kirmegen, áleýmettik osal jáne az qamtylǵan turǵyndar jıi qoldanatyn 224 túrli dári baǵasyn 2014 jylǵy 10 aqpanda bolǵan kúıinde saqtaý. Memorandýmǵa kirgen dáriler tizimin ulǵaıtý da qarastyrylǵan. Memorandým barlyq óńirlerge jiberildi. Mınıstrlik áleýmettik osal toptar barynsha jıi qoldanatyn dárilik quraldarǵa baǵany kóterý faktilerin qadaǵalaý jóninde shtab qurdy, onyń telefony: 8-7172-74-31-28. Sondaı-aq, Dárilik aqparat ortalyǵynyń shuǵyl jelisi (8800 080 88 87) táýlik boıy jumys isteıdi. Kún saıyn barlyq óńirlerde dárilik quraldar naryǵyndaǵy jaǵdaıǵa monıtorıng júrgizilip, jaǵdaı turaqty saqtalýda. Jekelengen oqıǵalar baıqaldy, atap aıtqanda, 2014 jylǵy 19 aqpanda Shyǵys Qazaqstan oblysynda keıbir dárilerge baǵany kóterý oqıǵalary oryn alyp, jergilikti atqarýshy organdarmen birge tıisti sharalar qabyldandy. Densaýlyq saqtaý mınıstrligi memorandýmda kórsetilgen dárilerge baǵany kóterý faktileri anyqtalǵan jaǵdaıda joǵaryda kórsetilgen telefondarǵa habarlasýdy suraıdy, dep habarlady DSM baspasóz qyzmeti.