Balalardy qoldaýdyń jarqyn úlgisi

«Kim bilgish?» oıyny Qazaqstan Respýblıkasy Táýelsizdiginiń 30 jyldyǵyn merekeleý aıasynda ótti.

Sharaǵa Nursultan Nazarbaev Qory atqarýshy dırektorynyń oryn­basary Álkeı Marǵulanuly jáne Mem­lekettik tildi damytý qo­ry­nyń dı­rektory Azat Shaýeev qatysty.

Jobanyń maqsaty – daryndy balalardy anyqtaý, olardyń tanymdyq qyzyǵýshylyqtaryn oıatý, oqýshylardyń mádenı jáne bi­lim deńgeıin kóterý, sondaı-aq mek­tep oqýshylary arasynda bos ýaqyt­ty tıimdi uıymdastyrýǵa yqpal etý.

Aıta keteıik, «Kim bilgish?» týrnıri 2016 jyldan bastap ótkizilip keledi. Aldyńǵy oıyndardyń qorytyndysy boıynsha týrnırge elimizdiń ár óńirinen 45 myńǵa jýyq joǵary synyp oqýshylary qa­ty­syp, olardyń 53-i «Jyldyń eń aqyl­dy oqýshysy» ataǵyna ıe bolyp, baǵaly syılyqtarmen marapattaldy.

Nursultan Nazarbaev Qory atqarý­shy dırektorynyń orynbasary Álkeı Marǵulanuly «Týrnır­degi jeńisterińiz jeke damýdaǵy kezeń­niń biri. Sizderge jarqyn jeńis­ter, ómirde bilimdi ári tabys­ty bolýǵa septigin tıgizetin jańa bilim­di meńgerýdi tileımin!», dedi quttyqtaý sózinde.

Týrnır jazǵy demalys kezin­de eki kezeńde onlaın túrinde ótti. Jeńimpaz bolǵan oıynshylar Nur-Sultan qalasynda ótken fınaldyq oıynǵa qatysty. Fınalǵa eń kóp upaı jınaǵan 10 oıynshy shyqty. Oıyn barysynda qatysýshylar tańdalǵan taqyryp boıynsha suraqtarǵa jaýap berip, bilgirliktiń joǵary deńgeıin kórsetti. Is-shara balalarǵa básekelestik rýhyn sezinýge jáne bilimderin kórsetýge múmkindik berdi.

Osylaısha, qazaq tildi oıynshylar arasynda:

1-orynǵa Nur-Sultan qalasy, №74 mektep-gımnazııasynyń 11-synyp oqýshysy Baqytjan Shekerov, 2-orynǵa Nur-Sultan qalasy, №74 mektep-gımnazııasynyń 10-synyp oqýshysy Aıaýlym Kenjebekova, 3-orynǵa Nur-Sultan qalasy, №2 orta mektebiniń 9-synyp oqýshysy Maqsat Tilektes ıe boldy.

Orys tildi oıynshylar arasynda:

1-oryndy Ekibastuz qalasy, Oblystyq kópsalaly daryndy balalarǵa arnalǵan kóptildi lı­seıi­niń 10-synyp oqýshysy Arǵyn Mysanov, 2-oryndy Pavlodar obly­sy, Aqsý qalasy, №4 orta mek­tebi­niń 10-synyp oqýshysy Amına Bek­tasova, 3-oryndy Aqtóbe qalasy, Álimhan Ermekov atyndaǵy №23 orta mektep-lıseıiniń 9-synyp oqýshysy Anelıa Izdenova aldy.

Fınalǵa qatysqany úshin yntalandyrý syılyǵymen jáne «Jyl­dyń úzdik oqýshysy» ataǵy­men Túrkistan oblysy, Esirkep batyr atyndaǵy jalpy orta mektebiniń 10-synyp oqýshysy Qaraqat Júsip, Shymkent qalasy, №37 Fýrqat atyndaǵy jalpy orta mektebiniń 11-synyp oqýshysy Nurjan Qonys­bek, Túrkistan oblysy, M.Áýezov atyndaǵy IT-mektep-lıseıiniń 11-synyp oqýshysy Nuraıym Jol­taı, Túrkistan qalasy, N.Oń­dasynov atyndaǵy Túrkistan maman­dan­dyrylǵan mektep-ınternaty­nyń 11-synyp oqýshysy Shuǵyla Jaryl­qasyn marapattaldy.

Týrnırdiń jeńimpazdaryna «2021 jyldyń eń aqyldy oqýshysy» atty arnaıy dıplom men noýtbýk jáne smartfon sııaqty baǵaly syılyqtar tabystaldy.