«Astana» men «Qaırat» arasyndaǵy kezdesýdi tamashalaýǵa kelgen jankúıerlerdiń birinshi taımda ishteri ábden pysqany anyq. О́ıtkeni jarty saǵattan asa eki komanda tek ańdasýmen ýaqyt ótkizdi. Eshqaısysy oıyn tizginin qolǵa alýǵa asyqqan joq. Tek alań ıeleriniń qorǵaýshysy Antonıo Rýkavınanyń tepken doby mańdaıshaǵa tıgennen keıin baryp qana báseke qyza tústi. Birinshi taımǵa tóreshi bes mınýt qosqanymen, oıyn odan da uzaqqa sozyldy. Sol sátte Rade Dýgalıch esep ashyp úlgerdi. Úzilisten keıin qonaqtar taǵy eki gol soqty. 67-mınýtta Hose Kante, 72-mınýtta Artýr Shýshenchaev nysanany dál kózdedi. Sóıtip, bul match 3:0 esebimen «Qaırattyń» jeńisimen aıaqtaldy.
«Shahter» men «Tobyl» arasyndaǵy básekede de iri esep tirkeldi – 5:2. Qaraǵandylyqtar sapynan Idrıs Ýmaev dýbldiń avtory atansa, Davıd Atanaskoskı, Devıd Mavýtor jáne Aıdos Táttibaev bir retten mergendik tanytty. Qostanaılyqtar arasynan Ashat Taǵybergen men Igor Sergeev gol soqty.
