Onyń aıtýynsha, tranzıttik áleýetti arttyrý úshin 2022 jyly Túrkistan-Shymkent-Tashkent ýchaskesinde Dostyq – Moıynty temirjol jelisi, Darbaza – Maqtaaral jáne jyldamdyǵy joǵary temirjol jelisiniń jobalaryn iske asyrý josparlanýda.
«Kólik salasynda pandemııaǵa qaramastan, tranzıttiń jalpy kólemi osy jyldyń 9 aıynyń qorytyndysynda 17,5 mln tonnany qurady. Bul 2020 jyldyń sáıkes kórsetkishinen 2,4% joǵary. Azamattyq avıasııa pandemııaǵa baılanysty eń kóp zardap shekken salalardyń biri boldy. Bul rette bıyl salanyń negizgi statıstıkalyq kórsetkishteri ósti. 2021 jyldyń 9 aıynda boljamdy derekter boıynsha tasymaldanǵan jolaýshylar sany 81%-ǵa artyp, 6,9 mln adamdy qurady. Sondaı-aq áýejaılarda qyzmet kórsetilgen jolaýshylar sany 70%-ǵa artyp, 12,6 mln adamdy qurady. Qazir aptasyna 756 reıspen 57 baǵytta ishki áýe qatynasy tolyq qalpyna keltirildi», dedi ol.
Sonymen qatar mınıstr bıyl avtojol salasyn damytý boıynsha belsendi jumystar atqarylyp jatqanyn sóz etti.
«Jol-qurylys jumystarymen 8,4 myń shaqyrym qamtyldy. Onyń ishinde respýblıkalyq jeli boıynsha 5 myń shaqyrym, jergilikti joldar men kóshelerde 3,4 myń shaqyrym. Jyl qorytyndysynda respýblıkalyq joldardyń 2,2 myń shaqyrymynda negizgi jumystardy aıaqtaý josparlanyp otyr. Qurylys salasynda bıyl elimizde 17 mln sharshy metr turǵyn úı salý kózdelgen. О́tken 9 aıda jalpy aýdany 10,3 mln sharshy metr bolatyn 89 myń baspana paıdalanýǵa berildi», dedi Indýstrııa jáne ınfraqurylymdyq damý mınıstri Beıbit Atamqulov.
