Bıyl Qazaqstan Eýrazııalyq ekonomıkalyq odaqta tasymaldaýdy qadaǵalaý úshin navıgasııalyq plombalardy qoldaný týraly kelisimge qol qoıýǵa nıetti.
Osy Kelisim boıynsha jumys 2017 jyldan bastap EAEO elderi sarapshylarynyń jáne Eýrazııalyq ekonomıkalyq komıssııa qyzmetkerleriniń qatysýymen júrgizildi.
«Jumys kúrdeli boldy, barlyq múddeli memlekettik organdar men taraptardyń bıznes-qoǵamdastyǵy qatysty, kóptegen pikirler men ustanymdar boldy. Memleketishilik kelisýdiń eki kezeńi ótkizildi. Búgingi tańda barlyq kelispeýshilikter joıyldy», - dedi MKK-de.
Jalpy Kelisim navıgasııalyq plombalardy qoldana otyryp, taýarlardy EAEO-ǵa múshe eki jáne odan da kóp memleketterdiń aýmaqtary boıynsha ótkizý kezinde olardy qadaǵalaý múmkindigin kózdeıdi.
Árbir eldiń navıgasııalyq plombalardy qoldaný jónindegi jumysty uıymdastyrý fýnksııasyn ózine alatyn óz ulttyq operatory bolady.
Bul rette kóliktiń ereksheligin eskere otyryp, taýarlardyń sanatyna baılanysty ótpeli kezeńder kózdelgen. Bul tasymaldaýdyń árbir kezeńin qadaǵalaı otyryp, navıgasııalyq plombalardy qoldaný prosesiniń tıimdiligin jetildirýge múmkindik beredi.
«Bıznes úshin osy Kelisimniń artyqshylyqtary EAEO keńistiginde óz taýarlarynyń qaýipsiz tranzıti múmkindiginde, EAEO baqylaýshy organdary tarapynan baqylaýdyń qosymsha nysandary men sharalaryn alyp tastaýda bolyp otyr.
Iаǵnı, eger plomba salynǵan bolsa, onda EAEO-nyń árbir memleketinde taýardy, al keıbireýlerinde bir baǵyt úshin birneshe retten tekserýdiń qajeti joq. Mundaı jaǵdaılar shyǵyndardy aıtarlyqtaı tómendetedi jáne jalpy bıznes úshin qosymsha ákimshilik kedergilerdi alyp tastaýǵa yqpal etedi», dep atap ótti Memlekettik kirister komıtetinde.
Memleket osy Kelisimnen halyqaralyq tasymaldardyń ashyqtyǵyna, «jalǵan tranzıt» pen «jalǵan ımportty» joıýǵa jáne tıisinshe qazynaǵa túsetin kiristiń ulǵaıýyna qol jetkizbek.
Qazirgi ýaqytta Kelisim jobasy qoǵamdyq talqylaý úshin legalacts.egov.kz (silteme: https://legalacts.egov.kz/npa/view?id=12705829 silteme boıynsha tanysýǵa bolady) saıtyna ornalastyrylǵan.
