«Bir qabatty Shyǵystyń» sharapatyn kórip otyr

– Osy jyldyń kórsetkishi qu­ry­lystyń aldyńǵy qarqynynan 118%-ǵa artyq. 2021 jyly qu­ry­lys­shylar bul sandy ulǵaıtyp, 560 myń sharshy metr turǵyn úıdi paıdalanýǵa berýdi josparlap otyr. Aýdandardaǵy, qalalardaǵy turǵyn úı máselesi «Bir qabatty Shyǵys» baǵdarlamasy boıynsha oń sheshimin taýyp jatyr. Joba mem­lekettiń ınjenerlik kommý­nıkasııalar júrgizýi esebinen jeke turǵyn úıler qurylysyn yn­talandyrýǵa arnalǵan. Bıýd­jet esebinen 29 mlrd teńge qara­jat bólý jáne jeke ınves­tı­sııalardy, onyń ishinde ha­lyq­tyń­ shottaryndaǵy 455 mlrd teń­ge, JTQ-daǵy 150 mlrd teń­ge depozıttik jınaqtardy paı­da­lanýǵa múmkindik beredi. Osy­laısha, memlekettik ınvestısııa­lar­dyń 1 teńgesine 5 teńgege jýyq jeke kapıtal salynbaq, – deıdi oblys ákimi Danıal Ahmetov.

Tarqatyp aıtsaq, 2020 jyly oblysta jeke ınvestorlar esebi­nen aýdany 36,6 myń sharshy metrdi quraıtyn bir qabatty 206 úı, 382 páter paıdalanýǵa be­rildi. Aıta keterligi, páter kiltteri kópbalaly otba­sy­lar­ǵa, áleýmettik osal toptaǵy aza­mattarǵa, bıýdjet qyzmetker­le­rine tabystaldy. Aýdan basshy­lyq­tary da «Bir qabatty Shyǵys» jobasymen salynyp jatqan ár úıdiń sapasyna jiti kóńil bólip otyr.

Aıta keterligi, bul óńir­lik joba burynǵy aýdan ortalyq­taryn­da da júzege asyp jatyr. Byltyr burynǵy aýdan orta­lyq­tarynda 32 úı, 58 páter paıda­lanýǵa berilgen. 2020 jyly jalpy «Bir qabatty Shyǵys» baǵdar­la­masy boıynsha 2 myńnan astam turǵyn jańa úımen qamtamasyz etil­di. Bıyl jeke ınvestorlar esebinen 1 215 páterli, 712 bir qa­batty úıdiń qurylysy júrip jatyr. Onyń 225 páteri «Otbasy banki» AQ arqyly kezekte turǵan azamattarǵa satýǵa arnalǵan.

Atalǵan jobany iske asyrý úshin oblysta 21 turǵyn alaby­nyń jospary bar. Onyń 13 turǵyn alabynda ınjener­lik-kom­mýnı­ka­sııalyq ınfraqurylym tartý jumystary júrgizilýde. Inje­ner­lik jelilermen jáne olardyń qurylysyna qajet qarajatpen qamtamasyz etilýine baılanys­ty, turǵyn alaptary 3 kezeńge bó­lingen. Oǵan 29 mlrd teńge bıýd­jet qarajatyn baǵyttaý josparlanǵan.

– «Bir qabatty Shyǵys» baǵ­dar­lamasymen baspanaǵa qol jet­kizdik. Kilti elorda kúnine oraı tabystaldy. Úıdiń sapasy jaqsy, jaıly. Basty másele – bas­pana bolǵandyqtan, úıli bolyp jatqan otbasylardyń bári rıza dep oılaımyn. Halyqtyń ál-aýqatyn arttyrýǵa baǵyttalǵan baǵdarlamalar kóp bolsa eken, – deıdi Jarma aýdany, Qalbataý aýylynyń turǵyny, kópbalaly ana Laýra Raısova.

Jarma aýdanynda 2019 jyly jalpy somasy 99 mln teńgege eki páterli 5 turǵyn úı, ıaǵnı 10 páter satyp alyndy. Atalǵan pá­terler Jarma aýdanynyń kom­mý­naldyq turǵyn úı qorynan jalǵa beriletin turǵyn úı keze­gin­de turǵan azamattarǵa, atap aıtqanda kópbalaly analar men múmkindigi shekteýli tulǵalarǵa ke­zekpen berildi. Al 2020 jyly Jarma aýdanynda «Bir qabatty Shyǵys» óńirlik jobasy aıasynda az qamtylǵan kópbalaly ot­basylarǵa kommýnaldyq turǵyn úı qorynan 24 eki páterli turǵyn úı satyp alýǵa oblystyq bıýdjetten 540,4 mln teńge bólindi. Onyń ishinde Qalbataý aýylynda eki páterli 19 turǵyn úı (38 páter) halyq ıgiligine tapsyryl­sa, Shar eldi mekeninde eki páterli 5 turǵyn úı (10 páter) satyp alyndy.

2021 jyly Jarma aýdany bo­ıynsha «Bir qabatty Shyǵys» óńirlik jobasymen jeke ınves­tor­lar esebinen kópbalaly az qamtylǵan otbasylar men ha­lyq­tyń basqa da áleýmettik osal top­­tary úshin jalpy aýdany 2 510 sharshy metr bolatyn eki páterli 15 turǵyn úıdiń (30 páter) qurylysy júrgizildi. Qalbataý aýy­lynda – 9 úı (18 páter), Shar qa­lasynda – 6 úı (12 páter) boı kótergen. Bul turǵyn úılerdiń jalpy quny 357 mln teńgeni quraǵan.

2022 jyly Jarma aýdany boıynsha jeke ınvestorlar ese­binen eki páterli 13 turǵyn úı (26 páter) salý josparlanyp otyr. Onyń ishinde 20 páter – 85 sharshy metr, 6 páter – 65 sharshy metrge jobalanǵan. Búgingi tańda joǵaryda atalǵan úılerdiń qu­ry­lysy boıynsha tıisti kelisim­sharttar jasalyp, 13 eki páter­li turǵyn úıdiń qurylysy bas­­talyp ketken. Aldyn ala jos­­par­lanǵandaı, eki páterli 3 turǵyn úı halyqtyń áleýmettik osal top­taryna jatatyn tolyq emes otbasylarǵa, múgedek balany jáne jetim balalardy tárbıelep otyrǵan 1-2 toptaǵy múgedekterge beriledi. Al eki páterli 10 turǵyn úı kópbalaly otbasylarǵa jáne kezekte turǵan azamattardyń bas­qa da sanattaryna arnalyp salynyp jatyr. Sonymen qatar Shar kentinde eki páterli 6 turǵyn úı­diń qurylysy júrip jatyr.

2021 jyly Úrjar aýdanynda jergilikti jeke ınvestorlar esebinen «Bir qabatty Shyǵys» baǵdarlamasy aıasynda eki páterli 43 biryńǵaı úlgidegi turǵyn úı­diń qurylysy júrgizildi. Boı kótergen 22 úı Úrjar aýylynda, 15 úı Maqanshyda, 6 úı Taskesken aýylynda salyndy. Qurylysqa jer telimderin jergilikti atqa­rý­shy organ bólgen. Halyqty baspanamen qamtý maqsatynda jú­zege asyrylyp jatqan bul ju­mys kelesi jyly da jalǵasyn ta­bady. Halyqtyń áleýmettik osal toptary men memlekettik qyz­metkerler úshin jeke ınvestorlar esebinen qarjylandyrý máselesi sheshilse, 10 úı Úrjar aýylynda, 3 úı Maqanshy, 2 úı Taskesken ­aýylynda salynady.

Joǵaryda aıtyp ótkendeı, atalǵan baǵdarlama oblystyń barlyq aýdanynda júzege asyp jatyr. Bul, birinshiden, baspa­naǵa kezekte turǵan otbasylarǵa beriledi. Máselen, Kúrshim aýda­nyn­da memlekettik turǵyn úı qo­rynan baspana alýǵa kópbalaly – 65, áleýmettik osal top sa­na­tynan 129 azamat kezekte tur. Kúrshimde 2020 jyly «Ju­mys­pen qamtýdyń jol kartasy» baǵ­darlamasy sheńberinde eki páterli 10 turǵyn úıdiń qurylysy bas­tal­ǵan. Kúrshim aýdanynda 1990 jyldardan keıin turǵyn úı qu­rylysy júrgizilmegen eken. Byl­tyr alǵash ret «SK-KazAlem» JShS turǵyn úı qurylysyn bas­tady. Sondaı-aq bıyl Kúr­shim aýylynda jeke qurylys sa­lý­shylardyń qarajaty ese­bi­nen eki páterli 9 turǵyn úıdiń irgesi qalandy. Kúrshim aýda­nyn­daǵy 2020-2025 jyldarǵa arnalǵan turǵyn úı qurylysy salasyndaǵy memlekettik baǵdar­la­malardyń júzege asyrylýy kórsetkishterine toqtalar bol­saq, 2021 jyly turǵyn úıdi paıdalanýǵa berý jospary 5 960 sharshy metrdi qurady. Onyń ishinde jeke kásipkerler esebinen turǵyn úılerdi berý jospa­ry – 2 160 sharshy metr. Shekara ­she­­bindegi Marqakól aýylynda 2 pá­­ter­li 5 úı (10 páter), Kúrshim aýy­lynda 2 páterli 3 úı (6 páter), Aqsýat aýylynda 2 páterli 2 úı­diń (4 páter) qurylysy júrip jatyr. Táýelsizdiktiń 30 jyl­­dy­­ǵyna oraı jýyqta Aqsýat ­aýy­­lynda salynǵan úılerdiń kil­ti kóp­balaly tórt otbasyna be­rildi.

Sondaı-aq «Bir qabatty Shy­ǵys» óńirlik baǵdarlamasymen Besqaraǵaı aýdanynda kóp­bala­ly otbasylarǵa, áleý­met­tik osal toptaǵy turǵyndar men medısına qyzmetkerlerine, baspanalary apattyq jaǵdaıda turǵan azamattarǵa jańa 24 úı berildi. Baqyttyń kiltindeı bolǵan bas­pa­nanyń kilti úlestirilgende, tur­­­ǵyndardyń qýanyshynda shek bol­­mady. Besqaraǵaı aýdanynda byl­tyr da jańa 36 úıdiń kilti kóp­­ba­laly otbasylarǵa, halyqtyń áleý­­mettik osal toptaryna jáne je­­tim balalarǵa berilgen bolatyn.

Jasyl jelekke oranǵan Bes­qa­raǵaı, kórikti kól jaǵasyn­da­ǵy Zaısan, ór Altaıdyń qos ete­gin kemerleı qonystanǵan Katon­qaraǵaı men Kúrshim, kıeli Tarbaǵataı syndy aýdandarda qaz-qatar boı kótergen sáýlet­ti úıler alystan kóz tartady. Kórikti eldi mekenderdiń kórkin odan saıyn asha tústi. Eń bastysy, halyq baspanaǵa qol jetkizip jatyr.

Shyǵys Qazaqstan oblysy