Jarystyń alǵashqy kúni tosyn nátıjeler tirkelgen joq. 55 kılo salmaqtaǵy negizgi básekelestik shymkenttik Arlı Chonteı men taldyqorǵandyq Abylaı Áýelhanov arasynda órbidi. Ekeýi de óte myqty sportshy. 29 jastaǵy Arlı – Azııa chempıony, álem chempıonatynyń kúmis jáne Dúnıejúzilik ýnıversıadanyń qola júldegeri. 18 jastaǵy Abylaı jastar arasyndaǵy álem birinshiliginiń jeńimpazy, Álem kýbogynyń ıegeri, qurlyq birinshiliginiń kúmis júldegeri. Bul tartysta tájirıbeli Chonteı jeńiske jetti. Qossaıys qorytyndysy boıynsha ol 257 (116+141) kılo salmaqty eńserdi. Kúmis medaldy moınyna ilgen Áýelhanovtyń kórsetkishi – 246 (109+137) kılo.
О́zge salmaqtarda myna sportshylar jeńis tuǵyrynyń eń bıik satysyna kóterildi: Erler: 61 kılo – Alekseı Drozdov, 67 kılo – Aqmolda Saıramkez. Áıelder: 45 kılo – Iýlııa Potasova, 49 kılo – Natalıa Shýpakova, 55 kılo – Áıgerim Áýelbek jáne 59 kılo – Gúlnur Ybyraı. Bul ziltemirshilerdiń barlyǵy da Almaty oblysynan.
