«Kúdikke ilingenderdiń 40 paıyzdan astamy – memlekettik organdardyń ókilderi. О́ndiriste jatqan 192 qylmystyq istiń ishinde 82 paıyzy boıynsha tergeý aıaqtaldy. Onyń 45-i sotqa joldandy. Qylmystyq ister boıynsha qabyldanǵan sheshimder aıasynda memleket bıýdjetine 2 mlrd teńgeden astam qarajat óndirildi», dedi departament basshysy.
Shyńǵys Qabdýla Nur-Sultanda jemqorlyq qylmystary qaı salada jıi tirkeletinin aıtty.
«Bul sandy salalarǵa jiktesek, eń kóp qylmys quqyq qorǵaý blogyna tıesili. Bul salada 28 fakti anyqtaldy. Densaýlyq saqtaý salasynda – 10, qurylys salasynda – 6, energetıka salasynda - 8, bilim berýde – 3 qylmys tirkeldi. Salyq jáne mádenıet salasynda da osyndaı tendensııa baıqalyp otyr. Jalpy qylmystyq jaýapqa 47 tulǵa tartyldy. Onyń ishinde respýblıkalyq mańyzdaǵy 3, qala deńgeıindegi 2 laýazymdy tulǵa bar. Qala deńgeıindegi 30 adamǵa bas bostandyǵynan aıyrý, aıyppul sııaqty túrli jazalar taǵaıyndaldy. Onyń arasynda 20 adam sybaılas jemqorlyq qylmys jasaǵany úshin sottaldy», dep tolyqtyrdy ol.
