Bıyl 20 qazan men 19 qarasha aralyǵynda oblys aýmaǵynda tabıǵatty qorǵaý zańnamasyn buzýdy anyqtaý jáne jolyn kesýge baǵyttalǵan «Brakoner» respýblıkalyq jedel-aldyn alý is-sharasy ótýde.
ShQO polıseıleri 3 qarashada Altaı aýdanynyń 45 jastaǵy turǵynyn anyqtady. Ol Tursuǵyn aýylynyń mańynan aıý ustaǵan. Onyń etin ózi paıdalanyp, al terisin odan ári satýǵa nıettengen.
Tártip saqshylary atalǵan azamatty ustady.
«Atalǵan fakti boıynsha QR QK-niń 337-baby (Zańsyz ań aýlaý) boıynsha sotqa deıingi tergeý bastaldy, qazirgi ýaqytta keltirilgen shyǵyn somasy anyqtalýda. Osy baptyń sanksııasymen úsh jylǵa deıingi merzimge bas bostandyǵynan aıyrý kózdelgen», dedi PD bastyǵy Saǵat Madıev.
Jedel aldyn alý is-sharasy bastalǵannan beri barlyǵy 200-den astam reıdtik is-sharalar ótkizildi, onda 420 tabıǵat qorǵaý zańnamasyn buzýshylyq, onyń ishinde 276-y ań aýlaý qaǵıdalaryn buzǵany úshin anyqtaldy. Sonymen qatar bes brakoner anyqtalyp, olarǵa qatysty qylmystyq is qozǵaldy.
