«2021 jylǵy 27 tamyzda Memleket Basshysy Qasym-Jomart Toqaev Jambyl oblysyndaǵy jarylystarǵa baılanysty shuǵyl keńeste ýákiletti memlekettik organdarǵa qaza tapqandardyń otbasylaryna kómek kórsetý boıynsha barlyq sharalardy qabyldaýdy jáne qalpyna keltirý jumystaryn júrgizýdi tapsyrdy», dep jazdy QR Prezıdentiniń baspasóz hatshysy Berik Ýálı Facebook-te.
Oryndaldy:
- Búgingi kúni búlingen 176 nysannyń 173-i qalpyna keltirildi. 35 turǵyn úı, 10 kommersııalyq nysan, eki mektep jáne bir medısınalyq pýnkt paıdalanýǵa berildi. Jibek joly aýylynda eki kommersııalyq nysannyń jáne 150 oryndyq jańa mekteptiń qurylysy jalǵasýda.
- Qaınar aýylynda joldar jóndeldi, kósheni jaryqtandyrý júrgizildi, úılerdi gazdandyrý jáne sýmen jabdyqtaý qamtamasyz etildi.
- Qalpyna keltirý jumystaryn júrgizýge Úkimet rezervinen 1,2 mlrd teńge, demeýshilik qarajat esebinen 102,3 mln teńge tartyldy.
- Zardap shekkenderdiń otbasylaryna materıaldyq kómek retinde 15 mln teńgeden tólendi;
- Zardap shekkenderdiń otbasy músheleriniń bankter men mıkroqarjy uıymdary aldyndaǵy qaryzdary tolyq óteldi.
