Máselen, qazan aıynda ulttyq pavılondy Premer-Mınıstr Asqar Mamın arnaıy kelip aralady. Budan bólek, Halyqaralyq kórmeler bıýrosynyń bas hatshysy Dımıtrıı Kerkentzes óz baǵasyn berdi. Sondaı-aq Birikken Arab Ámirlikteriniń joǵary laýazymdy mınıstrleri, kórmege qatysýshy elderdiń elshileri men bas komıssarlary da ulttyq pavılonǵa qonaq bolyp qaıtty.
Buǵan deıin jazǵanymyzdaı, Qazaqstan pavılony 2021 jyldyń 1 qazanynda resmı túrde ashylǵan bolatyn. Dál sol kúni pavılondy Dýbaıdyń bıleýshisi, Birikken Arab Ámirlikteriniń vıse-prezıdenti Muhammed ıbn Rashıd Ál-Maktým men Dýbaıdyń murager hanzadasy Hamdan ıbn Muhammed Ál-Maktým, EKSPO-2020 kórmesiniń bas dırektory Rım ál-Hashımı alǵashqylardyń biri bolyp aralap, jumysyna sáttilik tiledi. Sol kúni keshke pavılonǵa Tatarstan Respýblıkasynyń prezıdenti Rýstam Mınnıhanovtyń da arnaıy kelgenin atap ótken jón.
QazExpoCongress ulttyq kompanııasynyń habarlaýynsha, qazan aıynda pavılonda mazmundy iskerlik ári mádenı baǵdarlamalar usynylǵan. Atap aıtqanda, 3 qazanda EKSPO-nyń klımat jáne bıoalýandyq taqyryptyq aptalyǵy aıasynda Kazakhstan Green Day iskerlik is-sharalar serııasy ótti. Ony Halyqaralyq jasyl tehnologııalar jáne ınvestısııalyq jobalar uıymy uıymdastyrǵan. Buǵan qosa «Qazstandart» kásiporny arab seriktesterimen birqatar iskerlik kezdesý ótkizgen.
«11-14 qazan aralyǵynda sheteldik jáne qazaqstandyq sýretshilerdiń qatysýymen Sal-Seri galereıasynyń «О́rkendeý syzyqtary» kórmesiniń vernısajy ótti. Onda beıneleý ónerindegi jańa baǵyttar usynyldy.
Sonymen qatar 24-28 qazanda pavılonda Qazaqstannyń týrızm kúnderi uıymdastyryldy. Onyń aıasynda paneldik sessııalar, iskerlik kezdesýler, mádenı is-sharalar ótti. Atap aıtqanda, «Sazgen sazy» folklorlyq-etnografııalyq ansambli óner kórsetip, MarinoMadi brendiniń feshn kórsetilimi kópshilik nazaryna usynyldy. 1 qarashada Birikken Arab Ámirlikteriniń isker qaýymy Nur-Sultan Investment and Tourism Forum forýmyna jınaldy», dep habarlady QazExpoCongress.
Pavılon medıa tulǵalardyń da qyzyǵýshylyǵyn týdyryp otyr. Mıllıondaǵan jazylýshysy bar tanymal blogerler pavılonnan alǵan áserin áleýmettik jeli arqyly bólisken. Osy oraıda ulttyq pavılonnyń ishinen ashylǵan Qazaq Gourmet meıramhanasy da kelýshilerdi tańdaýly ári tańsyq ulttyq taǵamdar mázirimen tańǵaldyrýda.
Pavılonnyń ishki mazmuny elimizdiń týrıstik jáne ınvestısııalyq áleýetin pash etedi. Sondaı-aq ol halyqaralyq kórmeniń «Aqyl-oıdy biriktire otyryp, bolashaqty qalyptastyrý» taqyrybymen tolyq úndesip jatyr. Kelýshiler tabıǵatpen, tarıhpen, mádenıetpen, dástúrmen tynystap, el damýynyń áleýetti jobalarymen tanysady. Ásirese, kópshilik arasynda «Robottyń qoly» atalyp ketken fınaldyq shoý talaıdyń tańdaıyn qaqtyrýda. Mundaǵy adam men jasandy ıntellektiń ózara áreketi jurtshylyqty birden baýrap alady.
Qazaqstannyń EHRO-2020 kórmesine qatysýdaǵy negizgi maqsattyń biri – el ekonomıkasyna tikeleı jáne janama ınvestısııalar tartý. Bul rette ulttyq pavılonda 30-ǵa jýyq iskerlik is-shara ótkizý josparlanǵan.
Eske sala keteıik, dúnıejúzilik EXPO-2020 kórmesi 2021 jyldyń 1 qazany men 2022 jyldyń 31 naýryzy aralyǵynda ótedi. Negizi bul shara byltyr uıymdastyrylýy kerek edi. Alaıda koronavırýs pandemııasyna baılanysty onyń merzimi shegerildi. Kórmege álemniń 192 eli qatysýda. Ony shamamen 25 mln adam tamashalaıdy dep kútilýde.
