Halyqaralyq uıymdar quttyqtaýy

Atap aıtqanda, Islam ynty­maq­tastyǵy uıymynyń ıslam elderi úshin statıstıkalyq, ekono­mı­ka­lyq jáne áleýmet­tik zertteý jáne oqy­tý ortaly­ǵy­nyń bas dırektory Nebıl Dabýr Qazaqstan sta­tıs­­­­tık­­terin quttyqtaı otyryp, yn­ty­­maq­tastyqty keńeıtýge nıet bildirdi.

«Men sizderdi Qazaqstannyń úshinshi Ulttyq halyq sanaǵy­nyń tabysty aıaqtalýymen qut­tyqtaǵym keledi. Osy múm­kin­dikti paıdalana otyryp, men SESRIC atynan Bıýro bas­shy­lyǵyna SESRIC-tiń statıs­tı­kalyq áleýetti arttyrý jónindegi (STATCAB) baǵdar­lamasy sheńberinde Islam ynty­maqtastyǵy uıymyna múshe basqa eldermen óziniń tehnı­kalyq statıs­tıka­lyq táji­rı­besimen almas­qa­ny jáne qosqan qundy úlesi úshin rıza­shylyǵymdy bildirgim kele­di. Bizdiń eki mekeme arasyndaǵy yn­ty­maqtastyqty keńeıtýdi asyǵa kúte­min», dep atap ótti Nebıl Dabýr.

BUU Bosqyndar isteri jónin­degi Joǵarǵy komıssary­nyń Ortalyq Azııa boıynsha ókiliniń orynbasary Dý­mıt­rý Lıpkaný ınklıýzıvti qoǵam­dy damytýdaǵy elimizdiń jetis­tikterine erekshe toqtaldy.

«BUU BJKB sizderdi Qazaq­stan Respýblıkasyndaǵy Ulttyq sanaqtyń tabysty aıaqtalýymen shyn júrekten quttyqtaıdy! Biz Qazaqstannyń Ulttyq statıstıka bıýrosynyń 2021 jylǵy halyq sanaǵynyń tolyǵymen ınklıýzıvti bolýyna baǵyttaǵan kúsh-jigerin qoldaımyz jáne Qazaqstannyń osy maqsatqa qol jetkizgen jetistigin kýá­lan­dyrýǵa qýanyshtymyz», delingen hatta.

TMD Memleketaralyq statıs­tıka komıtetiniń tóraǵa­sy Vladı­mır Sokolın Qazaqstan­nyń halyq sanaǵy sheńberinde derek­ter­di jınaýdaǵy tehnolo­gııa­lyq pro­gresin erekshe atap ótti. V.Soko­lın bu­ǵan deıin eli­­mizde bolyp, júr­gizi­lip jat­­qan uıymdastyrý­shy­lyq ju­mys­tarmen jeke tanysqan bolatyn.

«Halyq sanaǵy endi ǵana aıaq­taldy, biraq qazirdiń ózinde alǵash­qy nátıjelerdi shy­ǵara berýge bolady. Qazaq­stan Respýblıkasynda halyq sana­ǵy planshetter men ınter­netti paıdalaný arqyly al­ǵash ret elektrondy túrde júr­gizildi. Halyqtyń 40 paıyzdan astamy ınternet boıyn­sha sanaq paraqtaryn óz betin­she toltyryp, sanaqqa qatys­ty. Halyqtyń osyndaı jo­ǵary qyzyǵýshylyǵy sanaq qar­sańynda ótkizgen úlken aq­parattyq daıyndyq jumysynyń nátıjesi. Qymbatty áriptester! Sanaq aıaqtaldy, biraq jumys jal­ǵasýda. Alda nátıjelerdi shyǵa­rýǵa jáne jarııalaýǵa baılanys­ty mańyzdy kezeń bar. Shyn júrek­ten tabys ti­leımin jáne Qazaq­stan Respýblı­kasyn­daǵy úshinshi Ulttyq halyq sanaǵynyń nátıje­lerin kútemiz», dedi V.Sokolın.

BUU-nyń Qazaqstandaǵy Turǵyn halyqtyń qonystanýy salasyndaǵy qory da (IýNFPA) óziniń quttyqtaý hatyn joldady.

«Sizderdi BUU usynym­dary­na sáıkes eki jahandyq raýnd sheń­berinde ótkizilgen halyq sana­­ǵynyń sátti aıaqtalýymen qut­tyq­­taımyz. IýNFPA Ult­tyq statıs­­­tıka bıýrosyna osy zert­teý­ler­di júrgizýdegi ynty­maq­tasty­ǵy úshin óz rızashy­lyǵyn bildi­redi!», dep atap ótti IýNFPA-nyń Qazaq­­­standaǵy Atqarýshy ókili Raıymbek Sısemalıev.

Sondaı-aq quttyqtaý hattar Dúnıejúzilik bank pen BUU Damý baǵdarlamasynyń turaqty ókildigi atynan da keldi.